«Օտարերկրյա գործակալների» օրենքի դեմ երրորդ հայցը կներկայացվի Սահմանադրական դատարան: Այս անգամ ընդդիմադիր պատգամավորները, բացառությամբ «Գիրչի» խորհրդարանական կուսակցության, կփորձեն օրենքը հակասահմանադրական ճանաչել։
«Պայքարը միշտ իմաստ ունի… մենք, այնուամենայնիվ, կվերացնենք այս օրենքը, նոր իշխանությունն այն կնետի աղբարկղը, բայց Սահմանադրությամբ տրված իրավունքը մարդ միշտ պետք է օգտագործի»,- ասում է պատգամավորական «Եվրոօպտիմիստ» խմբի նախագահ Ռոման Գոցիրիձեն։
«Գիրչին» միակ ընդդիմադիր խորհրդարանական կուսակցությունն է, որը չի միացել ընդդիմադիր պատգամավորների ընդհանուր ջանքերին ընդդեմ օրենքի։ «Մենք չենք հավատում, որ Սահմանադրական դատարանն անկախ է»,- ասել է «Գիրչի»-ի առաջնորդ Իագո Խվիչիան և հավելել.
«Մենք պետք է զարմանանք ուրիշների լավատեսության վրա, թե չէ մեր հոռետեսությունն այս թեմայով շատ պարզ է Վրաստանի բնակչության համար»:
Հուլիսի 16-ին Վրաստանի նախագահ Սալոմե Զուրաբիշվիլին օրենքի դեմ հայց է ներկայացրել Սահմանադրական դատարան։ Դրան հաջորդել է 121 հասարակական կազմակերպությունների ու լրատվամիջոցների համատեղ հայցը։ Բացի չեղարկումից, նրանք պահանջում են կասեցնել օրենքի հակասահմանադրական դրույթները՝ մինչև Սահմանադրական դատարանի վերջնական որոշում կայացնելը։
Բոլոր պահանջներում կողմերը առաջնորդվում են Վրաստանի Սահմանադրության 78-րդ հոդվածով։ Նշված հոդվածը սահմանադրական մարմիններին պարտավորեցնում է ձեռնարկել բոլոր հնարավոր միջոցները Վրաստանի՝ Եվրամիությանն ու ՆԱՏՕ-ին անդամակցելու համար։
