Նինոծմինդայի շրջանի Գյուղատնտեսության բաժինն ամփոփեց 2016 թ.-ի տարբեր մշակաբույսերի եկամտաբերության արդյունքները:

Նինոծմինդայի շրջանում կա ընդհամենը 25 000 հա վարելահող, տարբեր պատճառներով, ամբողջ վարելահողերը չեն մշակվում` ընդամենը 10000 հա:

2016 թ.-ին Նինոծմինդայի շրջանում 3 130 հա կարտոֆիլ է ցանվել և ստացվել 60 000 տոննա բերք: Տնկվել է 5 900 հա մշակաբույսեր՝ գարի, ցորեն, վարսակ, և ստացվել է 2 տ\հա բերք:

Ինչ վերաբերում է անասնապահությանը, ապա պետք է նշել, որ տարեցտարի աճում է շրջանի եղջերավոր անասունների թիվը: Ընդհանուր առմամբ, մոտ 31500 եղջերավոր անասուններ, նրանցից 25 000 կովեր են: Սակայն մանր եղջերավոր անասունների քանակը նվազել է նախկին տարիների հետ համեմատ, շրջանում կա միայն 31000 մանր եղջերավոր անասուն: Պատճառն այն է, որ ոչխարի բրդի գինը ցածր է:

Իսկ մեղվաբուծությունը ընդհակառակը ավելացել է, նախորդ տարիների համեմատ շրջանում կա մոտ 3200 մեղվի փեթակ:

Բորիս Ղարսլյան