Ախալքալաքի տոնածառի թալանված զարդարանքները, դատարկ խանութներ և շուկա, աղբը և կենդանիներ վաճառասեղանների տակ, – այսպիսին է Ախալքալաքը հետամանորյա շրջանում:

Տոներից հետո միակ տոնածառը, որ զարդարում է Ախալքալաքի կենտրոնը մնացել է առանց լուսավորության և զարդարանքների մի մասի:

Ամանորից առաջ Ախալքալաքի բնակիչները գնել էին գրեթե բոլոր ապրանքը, դիստրիբյուտորները նոր-նոր են բերում նոր ապրանք:

Շուկայում ամանորյա տոներից հետո մնացել էին ժամանակավոր դատարկ վաճառասեղանները, որոնք մինչ նոր տարին լի էին պարենային ապրանքներով, խաղալիքներով, և տարբեր հուշանվերներով:

Ճանապարհների և մայթերի կեսը զբաղեցնում են դատարկ կրպակները, բայց փողոցային առևտուրը մնում է տեղի ինքնակառավարման համար նորմալ երևույթ:

Վաճառողները, ովքեր համառորեն հրաժարվում են վաճառել հատուկ նշանակված և վերանորոգված շուկայում, դեռ վաճառում են Նալբանդյան փողոցում: Այս փողոցում փակ են ոչ միայն մայթերը, այլև երթևեկելի մասը: Ամանորյա առքուվաճառքից հետո, սկսվեց հարսանեկան առևտուրը: Ախալքալաքում սկսվել է հարսանեկան սեզոնը:

Կենտրոնական փողոցների լքված վաճառասեղանների տակ կարելի է գտնել աղբ կամ թափառող կենդանիների:

Քրիստինե Մարաբյան