«Open Russia» Ռուսաստանի կարատեի միջազգային առաջնությունում Վրաստանի միակ ներկայացուցիչ Աքսանա Ավետյանը գրավել է առաջին տեղ։
Մայիսի 14-ին Մոսկվայում տեղի է ունեցել «Open Russia» միջազգային առաջնությունը, որտեղ Վրաստանը ներկայացնում էր ախալքալաքցի, բայց արդեն Ռուսաստանում բնակվող մարզիկ Աքսաննա Ավետյանը։ Նա 18-20 տարեկանների շրջանում կատա մարզաձևում գրավել է առաջին տեղ։ Եզրափակչում նա մրցել է Ռուսաստանի մարզիկի հետ։ Առաջնությանը մասնակցում էին մարզիկներ Հայաստանից, Հնդկաստանից և Ռուսաստանի տարբեր մարզերից։ Տեղափոխվելով Ռուսաստան՝ նա այլևս չի սովորում հրահանգիչների մոտ։ Լինելով հրահանգիչ՝ նա ինքնուրույն է մարզվում։ Կարատեի «Open Russia» առաջնությունում նա հանդես է եկել որպես Վրաստանի ներկայացուցիչ և որպես հաղթող բարձրացրել Վրաստանի դրոշը։
Աքսաննա Ավետյանն անցյալ տարի ընտանիքի հետ տեղափոխվել է Ռուսաստան, որտեղ ստանում է բարձրագույն կրթություն, սովորում է իրավագիտության ֆակուլտետում։
Նշենք, որ Աքսաննան սպորտային կարիերան սկսել է 8 տարեկանից, Ախալքալաքում։ 11 տարեկանում նա դարձել է աշխարհի չեմպիոն։ Նա նաև առաջին աղջիկն է, ով Ախալքալաքից ստացել է մարզչական առաջին արտոնագիրը, ընդհանուր առմամբ ունի ավելի քան 215 մեդալ։
Կարդացեք նաև՝
«Ես փոքր քաղաքից եմ». Հաջողության պատմություններ սահմանափակ պայմաններում
Աշակերտից մարզիչ դառնալու տասնամյա ուղին
Աշխարհի չեմպիոն աղջիկը՝ Ախալքալաքից
