ԱՄՆ-ն Ուկրաինային լրացուցիչ 2,6 միլիարդ դոլարի ռազմական օգնություն է տրամադրում։ Այս մասին հայտնում է ԱՄՆ պաշտպանության նախարարությունը։
Ռազմական օգնության նոր փաթեթը բաղկացած է երկու մասից. առաջինը՝ 2,1 միլիարդ դոլար, ֆինանսավորվում է Ուկրաինայի անվտանգության աջակցության նախաձեռնության (USAI) կողմից։ Դրա շրջանակներում զենքը պատվիրվում է արտադրողներից, այլ ոչ թե վերցվում ԱՄՆ ռազմական պաշարներից։
Փաթեթի առաջին մասը կֆինանսավորի լրացուցիչ զինամթերք NASAMS համակարգերի համար, ինը 30 մմ հակաօդային սարքերի թնդանոթներ, 30 մմ և 23 մմ հակաօդային զինամթերք, 130 մմ և 122 մմ հրետանային արկեր, 122 մմ հրթիռներ Grad համակարգերի համար, 120 մմ տանկային զինամթերք, երեք ավիացիոն հրթիռ, Javelin հակատանկային համակարգեր, բարձր ճշգրտության ավիացիոն զինամթերք և այլն։
Մնացած 500 միլիոն դոլարը, որի հիմնական մասը կուղղվի զինամթերքին, կտրամադրվի նախագահի սպառազինությունների կրճատման Նախաձեռնությանը, որը թույլ է տալիս ԱՄՆ նախագահին հատուկ առիթներով զենք փոխանցել ամերիկյան պահեստներից:
Օգնության փաթեթի երկրորդ մասի շրջանակներում Ուկրաինան կստանա լրացուցիչ զինամթերք Patriot համակարգերի և HIMARS համակարգերի համար, TOW հակատանկային հրթիռներ, 155 մմ և 105 մմ հրետանային արկեր, 120 մմ և 105 մմ տանկային զինամթերք և այլն:
