Նախագահ Սալոմե Զուրաբիշվիլին հանդես է եկել Վրաստանի բնիկների, Ռուսաստանից վերադարձածների, Աբխազիայից փախստականների և օկուպացված տարածքների բնակիչների քաղաքացիություն ստանալու ընթացակարգի պարզեցման օգտին։
«Ազգային շահերից է բխում, որ մենք չկորցնենք 1991 թվականի հանրաքվեին մասնակցած ոչ մի վրացի, և որ չկորցնենք նրա ժառանգներից ոչ մեկին»,- ասել է Զուրաբիշվիլին խորհրդարանում իր ամենամյա ելույթի ժամանակ։
Նա ընդգծել է, որ Վրաստանի բնիկների քաղաքացիության վերականգնումը շատ ավելի կարևոր է, քան Թբիլիսիից Մոսկվա թռիչքների վերականգնումը։
Զուրաբիշվիլիի խոսքով՝ ինքը մշտապես ջանքեր է գործադրում՝ լուծելու քաղաքացիության վերականգնման պարզեցված սխեմայի հարցը։ Բայց նա նշեց, որ իրավասու չէ փոխել Քաղաքացիության հանձնաժողովի որոշումը։
