Վիճակագրական ծառայության տվյալներով՝ Ադրբեջանից վառելիքի ներկրումը նվազագույնի է հասել։ Եթե անցյալ տարի հունվար-փետրվարին Վրաստանը Ադրբեջանից նավթ և նավթամթերք է գնել 27,450 մլն դոլարի (36,879 տոննա): Այս տարի այդ ցուցանիշը 2 ամսում նվազել է մինչև 1,885 մլն դոլարի (1,682 տոննա)։
Ինչո՞վ է պայմանավորված Ադրբեջանից վառելիքի ներկրման նման արմատական անկումը։ SOCAR Georgia Petroleum-ի տնօրեն Նոդար Կանչավելիի խոսքով՝ դրա պատճառը Բաքվի նավթավերամշակման գործարանի վերազինումն է։
«Կրճատումը պայմանավորված է առաջին հերթին Բաքվի գործարանի վերազինմամբ, որը սկսվել է անցյալ տարվա մարտին։ Սրան գումարվեց նաև Վրաստանի անցումը Եվրո-5 ստանդարտին։ Ադրբեջանը Վրաստանին հիմնականում մատակարարում էր Եվրո-4 ստանդարտի դիզվառելիք, որը զբաղեցնում էր դիզելային շուկայի մոտ 40%-ը։ Այնուհետև Վրաստանը ստորագրեց ԵՄ-ի հետ Ասոցացման համաձայնագիրը, որով 2023 թվականից երկրում ներդրվեց Եվրո-5 ստանդարտը։ Զուգահեռաբար Բաքվի նավթավերամշակման գործարանի ղեկավարությունը սկսեց վերազինվել՝ Եվրո-5 վառելիքի արտադրությունը սկսելու համար», – հայտարարել է նա:
Նրա խոսքով, ձեռնարկության նորացումը մոտենում է ավարտին, և ամենայն հավանականությամբ, արդեն մայիսին Վրաստանը կսկսի Եվրո-5 վառելիք ստանալ Ադրբեջանից։
«Այժմ մենք սպասման վիճակում ենք։ Ձեռնարկության վերազինում կա, որը գրեթե ավարտին է մոտենում։ Այն տեխնիկապես հագեցած է և լիովին համապատասխանում է Եվրո-5 ստանդարտին, կարծում ենք, որ մինչև մայիս Վրաստանը Ադրբեջանից կստանա ամենաբարձր ստանդարտի վառելիք։ Հստակ ամսաթիվը մենք կիմանանք առաջիկա շաբաթների ընթացքում»,- ասել է Կանչավելին:
Աղբյուրը՝ bizzone.info
