Ռուսաստանի արտգործնախարար Սերգեյ Լավրովն այսօր իր ադրբեջանցի պաշտոնակից Ջեյհուն Բայրամովի հետ հեռախոսազրույցում «շեշտել է Լաչինի միջանցքով երթեւեկության շուտափույթ եւ ամբողջական ապաշրջափակման անհրաժեշտությունը՝ 2020 թվականի նոյեմբերի 9-ին բարձր մակարդակով ստորագրված եռակողմ հայտարարության դրույթներին համապատասխան»:
«Շեշտվել է նաեւ հարակից բոլոր հարցերի շուրջ փոխընդունելի լուծումների հասնելու կարեւորությունը՝ Ռուսաստանի, Ադրբեջանի եւ Հայաստանի ղեկավարների պայմանավորվածությունների հիման վրա ադրբեջանա-հայկական հարաբերությունների կարգավորման առանցքային ուղիների շուրջ համալիր աշխատանքը վերսկսելու համար», — ասված ՌԴ ԱԳՆ հաղորդագրության մեջ։
