Հասարակություն Ախալքալաք

Ախալքալաքի ճանապարհների ձնեմաքրման համար կրկին անգամ հայտարարվել է մրցույթ

---

Ախալքալաքի քաղաքապետարանը 2022 և 2023 թվականներին մունիցիպալիտետի ավտոճանապարհների ձնեմաքրման համար մրցույթ էր հայտարարել։ Առաջին անգամ մրցույթը չէր կայացել՝ մասնակիցներ չլինելու պատճառով։

Առաջին մրցույթի հայտերի ընդունումն ավարտվել էր նոյեմբերի 21-ին, ժամը 12:30-ին: Կրկին հայտարարված մրցույթում առաջարկությունների ընդունումը կսկսվի 2022 թվականի դեկտեմբերի 2-ին և կտևի մինչև 2022 թվականի դեկտեմբերի 5-ի ժամը 12:00-ն։

Մրցույթը հայտարարվել է նույն պայմաններով, իսկ մրցույթի նախնական գումարը ևս չի փոփոխվել և կազմում է 199 934 լարի, որից 100 000 լարին ժամանակավորապես նախատեսված է 2022 թվականին ձնեմաքրման աշխատանքների համար, իսկ 99 939 լարին՝ գալիք 2023 թվականին։

Ախալքալաքի քաղաքապետարանից պարզաբանում են, որ առաջին մրցույթը չի կայացել մասնակիցների բացակայության պատճառով։

Հիշեցնենք, որ մրցույթի համաձայն՝ ձյունից պետք է մաքրվեն ինչպես Ախալքալաք քաղաքի որոշ փողոցներ, այնպես էլ գյուղական ճանապարհներ։ Անհրաժեշտության դեպքում պետք է մաքրվեն հետևյալ ուղղությունները.

• Վաչիան-Հոկամ-Քարսեպ-Գոգաշեն՝ 24 կմ
• Սուլդա-Մյասնիկյան-Էրինջա-Դավնիա՝ 12,5 կմ
• Կարծախ-Ֆիլիպովկա խաչմերուկ՝ 2,5 կմ
• Սուլդա-Դադեշ՝ 4 կմ
• Կարծախ-Դադեշ խաչմերուկից՝ 2 կմ
• Չամդուրա-Մուրջախեթ-Վաչիան մայրուղու խաչմերուկից՝ 2,5 կմ
• Խորենիայի ճանապարհը կենտրոնական ճանապարհի խաչմերուկից՝ 2 կմ
• Ախալքալաք-Բավրա-Կարտիկամ-Թախչա-Աբուլ՝ 14 կմ
• Կարտիկամ-Բուզավեթ՝ 3,5 կմ
• Ախալքալաք-Դիլիսկա-Պտենա-Չունչխա՝ 11 կմ
• Բակուրիանի-Խուլգումո-Կուլիկամ-Կարտիկամ ճանապարհի խաչմերուկ՝ 5 կմ
• Բակուրիանի-Մաջադիա-Թոթխամ ճանապարհի խաչմերուկ՝ 5,5 կմ
• Բակուրիանի-Թոթխամ-Կորխ ճանապարհի խաչմերուկ՝ 2,5 կմ
• Բակուրիանի-Օրջա-Խանդո-Վարեւան-Ալաստան-Կոկիո-Ազավրեթ ճանապարհի խաչմերուկ՝ 23,5 կմ
• Արագվա-Գոման-Օլվարեդ՝ 7 կմ
• Բակուրիանի-Զակ-Տրկնա-Գոման ճանապարհի խաչմերուկ՝ 5 կմ
• Գոման-Բալխո-Բուղաշեն-Մերենիա-Էխտիլա՝ 10 կմ
• Բակուրիանի-Բարալեթ-Էխտիլա-Փոքր Սամսար-Մեծ Սամսար ճանապարհի խաչմերուկ՝ 15կմ
• Կաջո-Ագանա-Սիրկվա՝ 3,5 կմ
• Բարալեթ-Կաջո-Ալաթուման-Բեժանո՝ 10 կմ
• Բակուրիանի-Մոդեգամ ճանապարհի խաչմերուկ՝ 2,5 կմ
• Բակուրիանի-Ղադոլար-Բուռնաշեթ-Ազավրեթ ճանապարհի խաչմերուկ՝ 3 կմ
• Բակուրիանի-Լոմատուրցխ-Բուռնաշեթ ճանապարհի խաչմերուկ՝ 2 կմ
• Բակուրիանի-Տուրցխ ճանապարհի խաչմերուկ՝ 1,5 կմ

Ընդհանուր առմամբ, ձյունից կմաքրվի 174 կմ գյուղական ճանապարհ:

Պետք է մաքրվի նաև Ախալքալաք քաղաքի հետևյալ փողոցները.

• Ազատություն
• Նալբանդյան
• Չարենց
• Թումանյան
• Թամար Թագուհի
• Մաշտոց
• Դարբինյան
• Մալխասյան
• Ճավճավաձե
• Ռուսթավելի
• Միկոյան
• Մարգարյան
• Ջավախիշվիլի
• Գուսան Հավասի

Ձնեքրման աշխատանքները ներառում են ինչպես մաքրում գրեյդերով (կցովի հողափոր-հարթեցնող մեքենա), այնպես էլ ռեագենտի լցնում: Ձյունը կմաքրվի միայն Ախալքալաքի քաղաքապետարանի դիմումի հիման վրա։