«Maersk» ընկերությունը երկաթուղային կապ է գործարկել միջին միջանցքում, գնացքը ընդունել է Փոթիի ծովային նավահանգիստը։ Այս տեղեկատվությունը տարածում է «IPM Terminal Poti»-ն:
Նրանց հաղորդմամբ, պատասխանելով տրանսպորտային ոլորտում սպառողների կարիքներին՝ «Maersk»-ը հաճախորդներին առաջարկել է նոր երկաթուղային-ծովային ծառայություն, որը կապում է Ասիան և Եվրոպան Կենտրոնական Ասիայի միջոցով։
Նոր ծառայության համաձայն՝ Չինաստանի տարբեր վայրերից Ղազախստանի, Ադրբեջանի, Վրաստանի և Ռումինիայի տարածքով գնացքը Եվրոպայի հետ կմիանա մոտ 40 օր հետո։
«Ելնելով սպառողների ընթացիկ կարիքներից՝ մենք պատրաստել ենք նորացված ծառայություն, որը կօգնի լուծել ընթացիկ լոգիստիկ խնդիրները։ Միջին միջանցքը այլընտրանքային և էկոլոգիապես մաքուր միջմոդալ կապ է ապահովում Ասիայի և Եվրոպայի միջև: Միջին միջանցքում երկաթուղային ծառայության ավելի քան 90%-ը էլեկտրաֆիկացված է», – հայտարարել է Մայա Փարլագաշվիլին՝ «Maersk»-ի գլոբալ արտադրանքի մենեջերը «Intercontinental Rail»-ում:
Չինաստանի և Ղազախստանի սահմանին գտնվող Խորգոս կետը հատելուց հետո բեռնարկղերը երկաթուղով հասնում են ղազախական Ակտաու կայարան, որտեղ դրանք վերբեռնվում են Բաքու մեկնող բեռնատարներում: Ադրբեջանի մայրաքաղաքից դրանք երկաթուղով առաքվում են Փոթիի նավահանգիստ՝ վրացական APM Terminals Poti օպերատորի տերմինալ, որտեղ դրանք բեռնվում են ռումինական Կոնստանցա նավահանգիստ մեկնող ֆիդերային նավերի վրա, որտեղից բեռներն երկաթուղով առաքվում են դեպի Եվրոպայի տարբեր կետեր:
«A.P. Moller-Maersk»-ը սկսել էր մշակել այս երթուղին դեռ մարտին, իսկ արդեն 2022 թվականի ապրիլին իրականացրել էր Չինաստանից առաջին գնացքակազմի փորձնական երթը, որը փոխադրում էր ապրանքներ ավտոմոբիլային արդյունաբերության համար, ինչպես նաև սպառողական ապրանքներ:
«Միջանցքն ունի բավարար տարողունակություն, դա թույլ կտա մեր հաճախորդներին ունենալ մատակարարման հուսալի այլընտրանքային ճանապարհ՝ մատակարարման շղթան ամրացնելու համար», – ասել է Մայա Փարլագաշվիլին:
