Դեկտեմբերի 21-ի գիշերը Ախալքալաքի կենտրոնական փողոցում երեկ՝ դեկտեմբերի 20-ի գիշերը, վթարի ենթարկված 9-ամյա երեխային և նրա մորը տեղափոխել են Թբիլիսի։ Ներկայումս շարունակվում է հետազոտությունը՝ պարզելու, թե արդյո՞ք վիրահատական ​​միջամտության կարիք կա, թե՝ ոչ։ Ըստ Ախալքալաքի հիվանդանոցի մասնագետների՝ ելնելով դեկտեմբերի 21-ի գիշերը տուժածների վիճակից՝ նրանց կյանքին վտանգ չի սպառնում։

Դեկտեմբերի 20-ին, ժամը 22:00-ին, Ախալքալաքի Թավիսուփլեբա փողոցում՝ Արդարադատության տան դիմաց, «Օպել» մակնիշի ավտոմեքենան մեծ արագությամբ՝ կորցնելով կառավարումը, բախվել է ծառին։ Վարորդը՝ ընտանիքի 31-ամյա հայրը, մահացել է: Մեքենայում գտնվող կինն ու երեխան կոտրվածքներով և հեմատոմաներով տեղափոխվել են Ախալքալաքի ռեֆերալ հիվանդանոց։ Գիշերը նրանց տեղափոխել են Թբիլիսի։ Երեխան գտնվում է Իաշվիլիի անվան մանկական կլինիկայում, իսկ նրա մայրը՝ Կովկասյան բժշկական կենտրոնում։ Տուժածները լրացուցիչ հետազոտություն են անցնում՝ Ախալքալաքում կատարված հետազոտության արդյունքների հետ համեմատելու և հետագա բժշկական միջամտության մասին որոշում կայացնելու համար։ Երեխան կարող է նույնիսկ վիրահատության կարիք չունենալ, եթե նրա վիճակը երեկվա համեմատ չի վատացել։