«Առաջիկա մեկ ամիսը, հավանաբար, կլինի այն ժամանակահատվածը, երբ «Օմիկրոնը» կսկսի շրջանառվել Վրաստանում»,- այս մասին հայտարարել է Հիվանդությունների վերահսկման ազգային կենտրոնի ղեկավարի տեղակալ Պաատա Իմնաձեն։
«Այն, ինչ կա երկրի վրա, վաղ թե ուշ կլինի Վրաստանում։ Առաջիկա մեկ ամիսը հավանաբար կլինի այն ժամանակահատվածը, երբ այս վիրուսը կսկսի շրջանառվել Վրաստանում։ Մինչ այդ կա ամենօրյա հսկողություն, դեռ ի հայտ չի եկել։ Մի քանի կասկածելի դեպքեր են եղել, բոլորն էլ ուսումնասիրվել են, իհարկե, «Օմիկրոնը» կհայտնվի երկրում»,- ասել է Պաատա Իմնաձեն։
Բացի այդ, Պաատա Իմնաձեն խոսել է կորոնավիրուսի դեմ պատվաստանյութերի արդյունավետության մասին։
«Վերջին հետազոտությունը հրապարակվել է երեկ։ Astrazeneca-ի երկու չափաբաժինները և Pfizer-ի մեկ չափաբաժինը ունեն մոտ 71% պաշտպանություն, իսկ Pfizer պատվաստանյութի երեք չափաբաժինները ունեն մոտ 75% պաշտպանություն: Ցավոք, չինական պատվաստանյութերի վերաբերյալ դեռևս հետազոտություն չի հրապարակվել, ուստի մենք չենք կարող ձեզ ճշգրիտ թվեր տալ, այսինքն՝ երեք պատվաստանյութ սկզբունքորեն բավականին արդյունավետ կերպով կպաշտպանեն «Օմիկրոնից»-ից։
Եթե մենք ուզում ենք պաշտպանվել վարակից, դա առաջին հերթին շնչադիմակն է, եթե ուզում ենք պաշտպանվել հիվանդություններից, դա պատվաստումն է։ Սրանք երկու հիմնական առաջարկություններն են, որոնց պետք է հետևել»,- ասել է Իմնաձեն։
