Պետք չէ փնտրել այնպիսի ինտրիգ, որը գոյություն չունի,- այսպես է պատասխանել Վրաստանի փախստականների, աշխատանքի, առողջապահության և սոցիալական պաշտպանության նախարարի պաշտոնակատար Էկատերինե Տիկարաձեն լրագրողների հարցին, թե ով է փոխարինելու նրան նախարարի պաշտոնում:
«Հաջորդ կառավարության անդամի առաջադրումն ու ընտրությունը վարչապետի իրավասությունն է»,- ասել է Տիկարաձեն։
Հարցին, թե ինչու ինքը չներկայացավ կառավարության այսօրվա նիստին, թե դա իր կողմից բողոք էր, Էկատերինե Տիկարաձեն ասել է, որ «բողոք չի եղել, դրա համար հիմք չկա»։
«Ընդհանուր առմամբ, ես կարծում եմ, որ բողոքը ապակառուցողականություն է։ Կոչ եմ անում լայն հանրությանը չդիմել բողոքի որևէ ձևի, և ես դա, իհարկե, թույլ չեմ տա։ Խնդրում եմ ինտրիգներ մի փնտրեք, քանի որ դրանք պարզապես գոյություն չունեն»,- ասել է Տիկարաձեն։
Հիշեցնենք, որ դեկտեմբերի 9-ին նա հրաժարական է տվել առողջապահության նախարարի պաշտոնից։ Տիկարաձեի խոսքով՝ ինքը կշարունակի իր գործունեությունը «Վրացական երազանքի» քաղխորհրդում։
Էկատերինե Տիկարաձեն Վրաստանի օկուպացված տարածքներից հարկադիր վերաբնակների, աշխատանքի, առողջապահության և սոցիալական հարցերի նախարար է նշանակվել 2019 թվականի հունիսի 18-ին։