Վրաստանում մեկնարկել է բազմազավակ ընտանիքների կամ նորածին ունեցող ընտանիքների կենսապայմանների բարելավման արտոնյալ հիփոթեքային վարկերի տրամադրման պետական ծրագիրը:
Ըստ կառավարության` սա շատ լավ ծրագիր է, որի շնորհիվ ընտանիքները կկարողանան բնակարան կամ առանձնատուն գնել:
Ծրագրի մեկնարկի մասին հայտարարել է Վրաստանի վարչապետ Իրակլի Ղարիբաշվիլին` կառավարության նիստին` խոստանալով ավելի ուշ մանրամասներ ներկայացնել:
«Նաթիա Թուրնավան ներկայացնում է նոր ծրագիր, որը մենք հայտարարել ենք որոշ ժամանակ առաջ, դա հիփոթեքային վարկի սուբսիդավորման ծրագիր է, որն ուղղված է բազմազավակ ընտանիքների կամ ընտանիքների բնակարանային պայմանների բարելավմանը, որոնք նոր ծնված երեխա ունեն», – ասել է Ղարիբաշվիլին:
