Ախալքալաքի մարզահամալիրի և Նինոծմինդայի շրջանի Սաթխա գյուղի մարզիկները դարձել են Ուկրաինայում կայացած քիք-բոքսինգի Եվրոպայի առաջնության մրցանակակիրներ:
Ախալքալաքի մարզահամալիրի և Նինոծմինդա շրջանի Սաթխա գյուղի մարզիկները, ապրիլի 22-ից 26-ը, Խարկովում, մասնակցել են քիք-բոքսինգի Եվրոպայի առաջնությանը: Առաջնությանը մասնակցել են 14 երկրների մարզիկներ: Ջավախքից առաջնությանը մասնակցել են 6 հոգի, որոնցից 2 մարզիկ Ախալքալաքից էին, իսկ 4-ը՝ Սաթխա գյուղից: Բոլոր մարզիկները Վրաստանի քիք-բոքսինգի ազգային հավաքականի անդամներ են:
Մարզիչ Սերգեյ Տոնականյանի խոսքով, ինքը շատ գոհ է իր մարզիկների ցուցաբերած արդյունքներից:
«Մրցակիցներն ուժեղ էին, բայց տղաները կարողացան հաղթել: Երկրորդ տեղ գրաված մարզիկները պայքարում էին 7 մարզիկների հետ», – ասում է Սերգեյ Տոնականյանը:
Ներկայացնում ենք Եվրոպայի առաջնության մասնակիցներին և նրանց զբաղեցրած տեղերը.
Արծաթե մեդալներ են նվաճել․
Սարգիս Տոնականյանը( Ախալքալաք),
Նարեկ Պոդոսյանը (Սաթխա),
Ալբերտ Պոդոսյանը (Սաթխա):
Բրոնզե մեդալներ են նվաճել․
Վարդան Գասպարյանը (Ախալքալաք)
Հակոբ Տեր-Խաչատրյանը (Սաթխա)
Մարզիկներն արդեն պատրաստվում են աշխարհի առաջնությանը, որը տեղի կունենա հունիսի 18-ից 24-ը Հունգարիայի մայրաքաղաքում՝ Բուդապեշտում:
Մարզիկների Ուկրաինա ուղևորությունն ապահովել են Ախալքալաքի մունիցիպալիտետի քաղաքապետարանը և Դադեշ գյուղի բնակիչ Փաշա Հակոբյանը, ինչի համար Սերգեյ Տոնականյանն իր երախտիքն է հայտնում նրանց:
