Վրաստանի էկոնոմիկայի և կայուն զարգացման նախարար Նաթիա Թուրնավայի խոսքով՝ երկար տարիների ընթացքում վարելահողեր մշակող ֆերմերները հնարավորություն կունենան վարձակալած հողատարածքները գնել 25% զեղչով:
Համապատասխան որոշումը, ըստ Թուրնավայի, ընդունվել է կառավարության այսօրվա նիստում:
«Այսօր կառավարությունը շատ կարևոր որոշում է կայացրել, որը անկասկած կուրախացնի հողամասեր վարձակալող ֆերմերներին:
Առաջին հերթին դա ֆերմերներին հնարավորություն կտա օգտվել հողամասը գնելու, այն մշակելու իրավունքից և ներգրավել ավելի շատ բանկային ֆինանսավորում, մասնավոր ներդրումներ, ինչպես նաև օգտագործել պետական ծրագրերի լայն շրջանակը», — հայտարարել է Նաթիա Թուրնավան:
Նախարարի խոսքով՝ Վրաստանում մոտ 2000 հողամաս վարձակալող կա:
