Ըստ Վրաց Ուղղափառ եկեղեցու (ՎՈՒԵ) Պատրիարքարանի, վրդ. Թադեոզ Սարալիձեն, ով իր քարոզներում հնչեցրել է այլատյաց, ատելության խոսք, ինչպես նաև տարածել է կորոնավիրուսի մասին դավադրության տեսություններ, աքսորվել է վանք:
«Հաշվի առնելով հասարակության մեծ հետաքրքրությունը, տեղեկացնում ենք, որ Ճիաթուրայի և Սաչխերեի թեմերի քահանա Թադեոզ Սարալիձեն կրելու է եկեղեցական պատիժ (ապաշխարանք)՝ որոշ ժամանակ մնալով վանքում», – հայտնել են Պատրիարքարանից:
Սկանդալ Վրաստանում՝ ՎՈՒԵ հոգևոր հովվի այլատյաց քարոզի պատճառով
Հիշեցնենք, որ Թադեոզ Սարալիձեի սկանդալային քարոզը սոցցանցերում հրապարակվել էր հունվարի 24-ին և ստացել հասարակական մեծ արձագանք: Ավելի ուշ Վրաց Ուղղափառ եկեղեցու (ՎՈՒԵ) հասարակայնության հետ կապերի ծառայությունը հրապարակել էր Թադեոզ Սարալիձեի նամակը: Դրանում քահանան ներողություն է խնդրում իր քարոզի համար:
