Հայաստանի հանրապետություն կարող են մուտք գործել քաղաքացի չհանդիսացող անձինք նաև ցամաքային սահմանային անցման կետերով, եթե Հայաստանի տարածք մուտք գործելիս ներկայացվում է կորոնավիրուսային հիվանդության (COVID-19) ախտորոշման պոլիմերազային շղթայական ռեակցիայի հետազոտության բացասական արդյունքը հավաստող առավելագույնը 72 ժամ վաղեմության սերտիֆիկատ, կամ սահմանային անցակետում իրականացվում է նմուշառում և տրվում է ինքնամեկուսացման հրահանգ մինչև մինչև ՊՇՌ հետազոտության բացասական արդյունքի ստացումը (նախկինում՝ սույն պահանջը ներկայացված էր միայն օդային սահմանային անցման կետերում): Այս տեղեկության տարածումից հետո Վրաստանի շատ քաղաքացիներ դիմում են JNEWS-ի խմբագրություն ճշտելու, արդյո՞ք Վրաստանի քաղաքացիները կարող են երկրից դուրս գալ։

JNEWS-ին կառավարության թեժ գծից հայտնեցին, որ Վրաստանի քաղաքացին չի կարող հատել ոչ Հայաստանի, ոչ Ռուսաստանի հետ սահմանը, քանի Վրաստանը նշված երկրների հետ սահմանը չի բացել։

«Վրաստանի քաղաքացիները չեն կարող հատել ոչ Հայաստանի, ոչ էլ Ռուսաստանի սահմանը։ Վրաստանը դեռ չի բացել սահմանը տվյալ երկրների հետ։ Հնարավոր է բացառության կարգով թողնեն հատել սահմանը: Այսօրվա դրությամբ Վրաստանի քաղաքացիները չեն կարող հատել նշված սահմանները»,- ասացին կառավարության թեժ գծից։