Գրիգոլ Վաշաձեն այսօր իր ֆեյսբուքյան էջում հայտարարել է «Միացյալ ազգային շարժում» կուսակցությունից դուրս գալու մասին:
«Այս քայլն ինձ համար չափազանց դժվար կլինի, բայց ես այլ ելք չեմ տեսնում: 2017 թ.-ի հունվարից ի վեր, չորս տարի շարունակ, ես փորձել եմ իմ համեստ ուժերի չափով, որպեսզի կուսակցությունն աճի, ամրապնդի իր դիրքերը, մնա ընդդիմության հիմնական ասոցիացիան և, որպես արդյունք, Վրաստանի քաղաքացիների կողմից մանդատ ստանա իշխանության վերադառնալու համար: Կարծում եմ, որ մենք շատ բանի ենք հասել, բայց կան փաստեր, որոնց ես բացարձակապես չեմ կարող տանել: Ես համաձայն չեմ կուսակցության ղեկավարության մեծամասնության կողմից ընտրված մարտավարության հետ՝ առանց կուսակցության անդամների հետ խորհրդակցելու», – բացատրել է Վաշաձեն:
Նա նաև անվանեց «էլ ավելի անընդունելի» կուսակցության ռազմավարության բացակայությունը, որն, ըստ Վաշաձեի, «այսպես կոչված «Վրացական երազանքի» ձեռքում է:
Նա նաև նշել է, որ «ինքը չի կարող համակերպվել այն բանի հետ, որ կուսակցության շուրջ և դրա ներսում հայտնվել են գարշելի գործիչներ, որոնք մենք, կարծես թե, վաղուց թողել ենք անցյալում, և ում հետ մենք, կրկնում եմ, երբեք չենք ստանա ընտրողի վստահությունը»:
Վաշաձեն, ով զբաղեցնում էր Արտաքին գործերի նախարարի պաշտոնը երրորդ նախագահի Միխայիլ Սահակաշվիլիի ժամանակ, նույնպես անընդունելի է համարում վերջերս ընդդիմության ներկայացուցիչների հասցեին հաճախակի քննադատությունը` ուղղված ԱՄՆ և ԵՄ դեսպաններին, որոնք միջնորդում են իշխանությունների և ընդդիմության միջև բանակցությունները քաղաքական ճգնաժամի պատճառով:
«Մեր ռազմավարական դաշնակիցների դիվանագիտական առաքելությունների ղեկավարների դեմ հարձակումների և վիրավորանքների արշավը, որը մեկնարկել է անհասկանալի նպատակով ինչ-որ մեկի կողմից, չի կարող խոր վրդովմունք չառաջացնել: Սա մեծ վնաս է հասցնում Վրաստանի հարաբերություններին ԱՄՆ-ի, Եվրամիության և ԵՄ անդամ երկրների հետ:
Նա նաև կարծում է, քանի որ «նրանք իրենք են խոսում անձնական զրույցներում» կուսակցության անդամների հետ իր հարաբերություններում առկա խնդիրների մասին, ինքը «չի շարունակի թվարկել առկա խնդիրները»:
«Ինձ համար խնդիր չէ լինել փոքրամասնություն կամ ամբողջովին միայնակ: Խնդիրն այն է, որ ես չեմ կարող լինել այնտեղ, որտեղ սխալներ սովորելու հնարավորություն ու ցանկություն չեմ տեսնում: Գուցե, ես սխալվում եմ: Եկեք ապավինենք մեր ապագային: Կարծում եմ՝ ապագան մեզ շատ շուտով կդատի: Ես սիրով հրաժեշտ եմ տալիս կուսակցության անդամներին և մաղթում նրանց, որ որքան հնարավոր է շուտ հասնեն երկար սպասված հաղթանակին»,- գրում է Գրիգոլ Վաշաձեն:
Արդեն կուսակցության նախկին նախագահը դիմել է նաև լրագրողներին՝ նախազգուշացնելով նրանց, որ «ինքը չի պատրաստվում հարցազրույցներ տալ, մեկնաբանություններ տալ կամ թոք շոուներին մասնակցել»:
