Վրաստանի արդարադատության տունը նշված ծառայության անբարեխիղճ օգտագործման փաստերի պատճառով փոխում է այցելությունների նախնական ամրագրման համակարգը: Այս մասին ասված է գերատեսչության հայտարարության մեջ:

Կորոնավիրուսի տարածումը կանխելու համար Արդարադատության տունը մայիսի 5-ից աշխատում է նախնական ամրագրման սկզբունքի վրա: Այցը նախատեսվում է my.gov.ge պորտալում: Քաղաքացիներին տրվում է նույնականացման կոդ, նշանակվում է ծառայության մատուցման ժամանակը և վայրը: Պարզվել է, որ տասնյակ մարդիկ գումար են աշխատում նոր համակարգի հաշվին:

«Մի քանի անձինք նախօրոք ամրագրել են Արդարադատության տան տասնյակ ծառայություններ, այնուհետև օգտագործել են գումարի փոխարեն ամրագրումները տրամադրելով հօգուտ այն քաղաքացիների, ովքեր նախապես չեն ամրագրել իրենց այցը: Գումարի դիմաց այս անձինք չեղյալ են հայտարարել իրենց կողմից կատարված ամրագրումը և դրա փոխարեն գրանցել նորը,նշելով քաղաքացու տվյալները », – ասված է հայտարարության մեջ:

Նման փաստերը կանխելու համար, Թվային կառավարման գործակալությունը մի քանի օր է աշխատում է ծրագրակազմը թարմացնելու վրա: Թարմացումները my.gov.ge կայքում հասանելի կլինեն երկուշաբթի՝ հոկտեմբերի 12-ից:

Եթե նախկինում յուրաքանչյուր ամրագրմանը տրվում էր նույնականացման կոդ, ապա հիմա դրանք կտրվեն կոնկրետ մարդկանց, անկախ նրանից, թե քանի դիմում են նրանք թողել: Այսպիսով, նույնականացման կոդը կարող է օգտագործել միայն այն քաղաքացին, ում անունով կատարվել է ամրագրումը:

Արդարադատության տանը հավաստիացրել են, որ բարեխիղճ այցելուները ամրագրման ժամանակ խնդիրներ չեն ունենա:

Այս շաբաթ ամրագրման խարդախ սխեմայի մասին տեղեկատվությունը հայտնվել էր ռուսալեզու «Թբիլիսին մարդկանց մասին և մարդկանց համար» Telegram-ալիքում: Հաղորդվել էր, որ Արդարադատության տան մոտ «օգնականները» իրենց ծառայությունների համար պահանջում են մինչև 60 լարի: Միևնույն ժամանակ, հեղինակը նշել էր, որ բոլոր ամսաթվերը ամրագրված են մեկ ամիս առաջ և պարզապես անհնար է արագ ստանալ որոշ ծառայություններ:

Աղբյուրը՝ «Новости- Грузия»