Եվրոհանձնաժողովը հրապարակել է Վրաստանի մուտքի արտոնագրերի ռեժիմի ազատականացման հետ կապված զեկույց, որտեղ տրվել է դրական գնահատական:
Փաստաթղթում նշվում է, որ Վրաստանը կատարել է մուտքի արտոնագրերի ռեժիմի ազատականացման պլանի գործողությունների հետ կապված բոլոր պարտավորությունները:
Եվրոհանձնաժողովը գտնում է, որ Վրաստանի կողմից իրականացվող մուտքի արտոնագրերի ռեժիմի ազատականացման նախագծի ընթացակարգերը բոլոր չորս մասերում, համապատասխանում են եվրոպական եւ միջազգային չափանիշներին:
Սա Եվրոհանձնաժողովի չորրորդ և վերջին զեկույցն է, Վրաստանի հետ մուտքի արտոնագրային ազատականացման ռեժիմի նախագծի գործողությունների իրականացման մասին:
Վրաստանի վարչապետ Իրակլի Ղարիբաշվիլին Վրաստանի կառավարության նիստի ժամանակ, այսօրվա օրը համարել է շատ կարևոր:
«Մենք 100%-ով կատարել ենք մեր պարտավորությունները ԵՄ-ի նկատմամբ, և մենք ոչ մի բացթողում չունենք: Ես շնորհավորում եմ վրաց ժողովրդին: Սա վրաց ժողովրդի հաղթանակն է… Սա երկրի ամրապնդման համար շատ կարևոր քայլ է: Ամենակարևորը վստահության հաստատումն է մեզ համար, Եվրոպայի և ժամանակակից քաղաքակիրթ աշխարհի կողմից վստահության հաստատումն է վրաց ժողովրդի նկատմամբ», – հայտարարել է Ղարիբաշվիլին:
Էդիտա Բադասյան
