Վրաստանի օրենսդիր մարմինը այսօր երրորդ՝ վերջին ընթերցմամբ հաստատեց սահմանադրական փոփոխությունների փաթեթը, որի շնորհիվ հաջորդ գումարման խորհրդարանը ձևավորվելու է հիմնականում համամասնական ընտրակարգով։
Օրինագծին կողմ քվեարկեց 117 պատգամավոր, դեմ՝ 3-ը:
Այսօրվա նիստին էլ նախորդների պես չմասնակցեցին ընդդիմադիր «Ազգային շարժում» և «Եվրոպական Վրաստան» կուսակցությունները, որոնց միակ պահանջը Գիորգի Ռուռուայի ազատ արձակումն էր:
Ընդունված փոփոխությունների համաձայն՝ Վրաստանի օրենսդիր մարմնի 150 անդամներից 120-ն այսուհետ ընտրվելու են կուսակցական ցուցակներով, ևս 30-ը՝ մեծամասնական ընտրակարգով։
Խորհրդարանի խոսնակ Արշիլ Թալաքվաձեն հայտարարել է՝ այդ որոշմամբ Վրաստանը ևս մեկ անգամ իր գործընկերներին և հանրությանը ցույց է տալիս, որ պատրաստ է զարգացնելու իր ժողովրդավարությունը։