«165 866 աշխատող լքել է կենսաթոշակային համակարգը», – «Interpressnews»-ին տված հարցազրույցում ասել է Կենսաթոշակային գործակալության գործադիր տնօրեն Գիորգի Ճիճինաձեն:
«2019 թվականի հունվարի 1-ից առ այսօր կենսաթոշակային համակարգին է միացել մոտ 1 014 000 մասնակից, և ամեն ամիս ավելանում է մինչև 10 000 նոր մասնակից, մինչդեռ լքողների թիվը հասել է նվազագույնի: Ըստ այսօրվա տվյալների՝ կուտակային կենսաթոշակային համակարգում թոշակի անցնելու իրավունք ունեցող մասնակիցների 60%-ը մնում են համակարգում, իսկ 165 866 աշխատող լքել է համակարգը: Պետք է խոստովանեմ, որ միջազգային դոնոր կազմակերպությունները բարեփոխման սկզբում չէին սպասում նման արդյունքի: Որպես Կենսաթոշակային գործակալության պետ, ես հավատում եմ, որ կենսաթոշակային բարեփոխումները հանդիսանում են մեր երկրի և մեր ժողովրդի կայունության բանալին», – ասել է Գիորգի Ճիճինաձեն:
Ինչ վերաբերում է կենսաթոշակային խնայողությունների վիճակին, ապա, ըստ Գիորգի Ճիճինաձեի, կենսաթոշակային ակտիվները կազմում են 741 միլիոն լարի, որից 82 տոկոսը կամ 606 միլիոնը տեղադրված են կոմերցիոն բանկերի ավանդային (CD) վկայագրերում, իսկ մնացած 18%-ը կամ 133 միլիոնը՝ կոմերցիոն բանկերում կամ ազգային բանկային հաշիվներում: Ընդհանուր առմամբ, կենսաթոշակային ակտիվների ընդհանուր հաշվին կամ 741 միլիոն լարիին, փոխանցվել է 44 միլիոն լարի:
