«Մայիսի 5-ից մենք աշխատանքները վերսկսելու թույլտվություն կտանք շինարարական ոլորտում աշխատող և շինանյութերի արտադրությամբ զբաղվող բոլոր ընկերություններին», – հայտարարել է Վրաստանի վարչապետ Գիորգի Գախարիան կառավարության նիստում:
Ինչպես նշել է Գիորգի Գախարիան, շինարարական բիզնեսի հետ կապ ունեցող բոլոր ընկերությունները հնարավորություն կունենան վերսկսել իրենց աշխատանքը վաղվանից՝ մայիսի 5-ից:
«Առողջապահության և էկոնոմիկայի նախարարությունների ենթակայությունում հատուկ խմբի կողմից անցկացվող ստուգումները կշարունակվեն ամեն օր: Ես կցանկանայի ընկերությունների բաժնետերերին և ղեկավարությանը հորդորել ամենօրյա գործունեության և Առողջապահության նախարարության կողմից սահմանած պարտավորությունների առնչությամբ պատասխանատվություն ստանձնել», – հայտարարել է Գիորգի Գախարիան: