---

Այժմ, Ռուսաստանի քաղաքացիություն ստանալու համար հարկավոր չի լինի հրաժարվել օտարերկրյա քաղաքացիությունից:

Ռուսաստանի նախագահ Վլադիմիր Պուտինը ստորագրել է օրենք, որով պարզեցվում է Ռուսաստանի քաղաքացիություն ստանալու ընթացակարգը: Փաստաթուղթը հրապարակված է իրավական տեղեկատվության պաշտոնական ինտերնետային պորտալում:

Փաստաթուղթը թույլ է տալիս օտարերկրացիներին ստանալ Ռուսաստանի քաղաքացիություն՝ առանց հրաժարվելու իրենց նախկին քաղաքացիությունից: Բացի այդ, Բելառուսի, Ղազախստանի, Մոլդովայի և Ուկրաինայի քաղաքացիները կարող են Ռուսաստանի քաղաքացիություն ստանալ առանց Ռուսաստանում երեք տարի ապրելու:

Ռուսաստանցիների հետ ամուսնացած կամ Ռուսաստանում մշտապես բնակվող օտարերկրացիները հնարավորություն կունենան քաղաքացիություն ստանալ պարզեցված ընթացակարգով:

Փաստաթուղթն ուժի մեջ կմտնի ստորագրումից 90 օր հետո։