Վրաց Ուղղափառ եկեղեցին այսօր նշում է Սուրբ նահատակ Գիորգիի անիվների վրա տանջանքի օրը (Գիորգոբա):

Վրաստանում նոյեմբերի 23-ին նշում են Սուրբ Գիորգիի տոնը կամ Գիորգոբան, որը համարվում է ժողովրդի ամենասիրված տոներից մեկը:

Տոնի կապակցությամբ բոլոր Վրաց Ուղղափառ եկեղեցիներում կմատուցվի հանդիսավոր պատարագ:

Սուրբ Գիորգի Հաղթանակողը համարվում է վրաց ժողովրդի հովանավորը և Վրաստանում նրա տոնը նշվում է հատուկ կերպով: Սբ. Գիորգիին 303-ին գլխատեցին հռոմեական կայսր Դիոկղետիանոսի հրամանով:

Գիորգին Հռոմեական կայսր Դիոկղետիանոսի ավագ հրամանատարներից և սիրվածներից մեկն էր, ով առանձնանում էր հռոմեական աստվածների հանդեպ ֆանատիկ նվիրվածությամբ: Հռոմեական կայսրությունում մեռած հեթանոսությունը վերածնելու նպատակն ինքն իր առջև դնելու նպատակով, Դիոկղետիանոսը պատմության մեջ մտավ որպես քրիստոնյաների դաժան հալածիչներից մեկը:

Դատարանում մեկ անգամ լսելով քրիստոնյաների ոչնչացման անմարդկային վճիռը, Սուրբ Գիորգին նրանց հանդեպ գթասրտությամբ բորբոքվեց: Իր ունեցվածքն աղքատներին բաժանելուց հետո, և ազատելով իր ծառաներին, Գիորգին հայտնվեց Դիոկղետիանոսի առջև և իրեն հայտարարեց քրիստոնյա, դատապարտեց նրան դաժանության ու անարդարության մեջ: Քրիստոսից հրաժարվելու անարդյունք համոզմունքներից հետո, Դիոկղետիանոսը հրամայեց սրբին ենթարկվել տարբեր խոշտանգումների: Գիորգին համբերատարորեն տարավ այդ ամենը: Ի վերջո, կայսրը նրան հրամայեց գլխատել:

Վրաստանում Սուրբ Գիորգիի տոնը նշվում է երկու անգամ` նոյեմբերի 23-ին (Սուրբ նահատակի անիվների վրա տանջանքների օր) և մայիսի 6-ին (Սուրբ Գիորգիի գլխատումը):