Վրաստանում Հայաստանի դեսպանությունը տարածում է հայտարարություն, որում նշված է, որ ակադեմիկոս, ՀՀ գիտությունների ազգային ակադեմիայի Պատմության ինստիտուտի տնօրեն Աշոտ Մելքոնյանի Վրաստան մուտքի արգելքը սույն թվականի հունիսի 6-ին տեխնիկական սխալմունքի պատճառով էր:
Վրաստանում ՀՀ դեսպանության մամուլի ծառայության հայտարարությունում մասնավորապես ասվում է.
«Հաշվի առնելով ակադեմիկոս, ՀՀ գիտությունների ազգային ակադեմիայի Պատմության ինստիտուտի տնօրեն, Ախալքալաքի պատվավոր քաղաքացի Աշոտ Մելքոնյանի՝ Վրաստան մուտք գործելու հարցի առնչությամբ առաջացած հանրային հետաքրքրությունը՝ հայտնում ենք, որ Վրաստանում ՀՀ դեսպանությունը Վրաստանի պատկան մարմիններից ստացել է տեղեկատվություն, որ ս․թ․ հունիսի 6-ին թուրք-վրացական «Կարծախի» անցակետում Աշոտ Մելքոնյանի՝ Վրաստան մուտքի հետ կապված խնդիրն առաջացել էր տեխնիկական սխալմունքի պատճառով, և ՀՀ քաղաքացի Աշոտ Աղասու Մելքոնյանը կարող է անարգել մտնել Վրաստանի տարածք»։
Թե ինչո՞ւ Աշոտ Մելքոնյանին չէին թողել Վրաստան, կարդացեք Վրաստանի ՆԳՆ բացատրությունը այստեղ:
