Վրացական լարին, որը տեղական ինքնակառավարման ընտրություններից առաջ պահվում էր որոշակի սահմաններում, ընտրություններից անմիջապես հետո սկսեց արժեզրկվել:
Վրաստանի Ազգային բանկի տվյալներով, սեպտեմբերի սկզբից մինչև հոկտեմբերի 24-ը ԱՄՆ դոլարի նկատմամբ լարիի փոխարժեքը տատանվում էր 1 դոլարի դիմաց 2,46-2,49 լարի սահմաններում, իսկ հոկտեմբերի 25-ին արժեզրկվեց մինչև 1 դոլարի դիմաց 2,5206-ի: Հոկտեմբերի 26-ին Ազգային բանկը սահմանեց նոր փոխարժեք` 1 դոլարի դիմաց` 2,5317 լարի:
