---

Globalpetrolprices-ի թարմացված տվյալների համաձայն՝ աշխարհում բենզինի միջին գինը մեկ լիտրի համար կազմում է 1,23 դոլար, սակայն գների միջև զգալի տարբերություն կա տարբեր երկրներում միջին գնի նկատմամբ։

Օրինակ՝ զարգացած և բարձր եկամուտ ունեցող երկրներում վառելիքի գները շատ ավելի բարձր են, քան նավթ արդյունահանող և արտահանող համեմատաբար աղքատ երկրներում։ Բացի այդ, ըստ հաշվետվության, բենզինի գների տարբերությունը պայմանավորված է տարբեր երկրներում սուբսիդավորմամբ և հարկային տարբեր համակարգերով, ինչն արտահայտվում է մանրածախ գների վրա։

Ըստ տվյալների՝ 1 լիտր վառելիքի ամենաբարձր գինը Հոնկոնգում է՝ 3.36 դոլար, իսկ ամենացածրը՝ Իրանում՝ 0.029 դոլար։

5 երկիր, որտեղ վառելիքն ամենաթանկն է.

• Հոնկոնգ՝ 3,36 դոլար,
• Իսլանդիա՝ 2,23 դոլար,
• Մոնակո՝ 2,2 դոլար,
• Դանիա՝ 2,07 դոլար,
• Իսրայել՝ 2.04 դոլար:

5 երկիր, որտեղ վառելիքն ամենաէժանն է.

• Իրան՝ 0,029 դոլար,
• Լիբիա՝ 0,03 դոլար,
• Վենեսուելա՝ 0,035 դոլար,
• Անգոլա՝ 0,32 դոլար,
• Եգիպտոս՝ 0,33 դոլար:

Ինչ վերաբերում է Վրաստանին, ապա ուսումնասիրության համաձայն՝ 1 լիտր վառելիքի արժեքը կազմում է 1,098 դոլար։ Հարևան երկրների ցուցանիշները հետևյալն են.

• Թուրքիա՝ 1,28 դոլար,
• Հայաստան՝ 1,33 դոլար,
• Ադրբեջան՝ 0,64 դոլար,
• Ռուսաստան՝ 0,56 դոլար: