Այս տարի Ախալքալաքի մունիցիպալիտետում մարդիկ չկարողացան իրացնել կարտոֆիլի բերքը։ Սերմնացու կարտոֆիլը մնաց նկուղներում։ Գյուղացիներն այլևս հույսները կորցրել են, որ կկարողանան վաճառել այն։
Մունիցիպալիտետում ամենաշատ կարտոֆիլ մշակում են Չամդուրա գյուղում։ Բնակիչները չնչին արժեքով վաճառել են մեծ կարտոֆիլը, իսկ սերմնացուն դեռ նկուղներում է։
«Ես քիչ եմ ցանում, մոտ 2 տոննա ունեմ սերմացու և մի տեղ լցրել եմ, չեմ կարողանում վաճառել, նկուղներում էլ չենք կարող թողնել», – ասում է Չանդուրայի բնակիչը։
Գյուղացիներն ասում են, ով կարտոֆիլ է ուզում, կարող է իրենց գյուղ գնալ, առանց գումար կտան, միայն թե նկուղներում չմնա։
Հովհաննեսը, ով կարտոֆիլի մշակմամբ է զբաղվում, չգիտի ինչ անի, նկուղում մոտ 15-20 տոննա սերմնացու ունի։
«Գյուղացին կարտոֆիլը ցանել է, մշակել է, ծախս է արել, ներդրում է արել, բանվոր է վարձել, տքնաջան աշխատել է լավ բերք ստանալու համար, սակայն վերջնարդյունքում չի կարողանում վաճառել բերքը։ Ես ցանել էի մոտ 5 հեկտար։ Մեծ կարտոֆիլը վաճառել եմ 0․40-0․50 թեթրիով, իսկ սերմնացու կարտոֆիլը դեռ նկուղում է», – ասում է Հովհաննես Բլրցյանը։
Սերմացուն նկուղում արդեն ծլել է, բայց Հովհաննեսն այն վաճառելու հույսը չի կորցնում։ Օրավճարով հիմա նրա բանվորները կարտոֆիլի ծիլն են մաքրում։
Այս թեմայով կարող եք կարդալ՝
