Հետազոտությունները հաստատել են, որ Թբիլիսիում գաստրոէնտերիտի դեպքերի վերջին աճը պայմանավորված է նորովիրուսով,- հայտարարել է Հիվանդությունների վերահսկման և հանրային առողջության ազգային կենտրոնը։
Կենտրոնի տվյալներով՝ վերջին օրերին այս վիրուսով ախտորոշված երեխաների մեծ մասն արդեն ապաքինվել և դուրս է գրվել բժշկական հաստատություններից։
«Հաշվի առնելով հանրության հետաքրքրության աճը, Հիվանդությունների վերահսկման և հանրային առողջության ազգային կենտրոնը (ՀՎՎԱԱ) ներկայացնում է Թբիլիսիում գաստրոէնտերիտի դեպքերի վերջին աճի վերաբերյալ թարմացված տեղեկատվությունը։
Ուսումնասիրությունները հաստատել են, որ վերը նշված դեպքերի աճը պայմանավորված է նորովիրուսով։ Վերջին օրերին այս վիրուսով ախտորոշված երեխաների մեծ մասն արդեն ապաքինվել է, և դուրս է գրվել բժշկական հաստատություններից։ Դեպքերը ընթացել են առանց որևէ բարդության։ Հսկողությունը շարունակվում է, և որևէ բարդության ռիսկը դեռևս չի բացահայտվել։
Հիվանդության հետագա տարածումը կանխելու համար խորհուրդ է տրվում ուշադրություն դարձնել ձեռքերի հիգիենային՝ հատկապես ուտելուց առաջ և զուգարանից օգտվելուց հետո։ Այս խորհուրդը տրվում է հատկապես նրանց, որոնց ընտանիքի անդամները կամ շփման մեջ գտնվող անձինք ունեցել են հիվանդությունը։
Նորովիրուսի բուժման գործընթացում կարևոր է. պատշաճ ջրազրկում, օրգանիզմում հեղուկի վերականգնում, դիետայի պահպանում՝ առնվազն 3-4 օրվա ընթացքում սննդակարգից պետք է բացառվեն կաթնամթերքը, ճարպոտ, տապակած և համեմված սնունդը։ Լուծի և փսխման դեմ դեղամիջոցների ընդունում՝ միայն բժշկի դեղատոմսով», – նշվում է Հիվանդությունների վերահսկման և հանրային առողջության ազգային կենտրոնի տեղեկատվության մեջ։
