Սեպտեմբերի 7-ին Վրաստանում, Արևմուտքի բոլոր շրջաններում, իսկ Արևելքում՝ Շիդա Քարթլիում, ինչպես նաև լեռնային և բարձրլեռնային գոտիներում որոշ տեղերում ուժեղ ինտենսիվությամբ տեղումներ են սպասվում,- այս մասին տեղեկատվություն է տարածել Ազգային շրջակա միջավայրի գործակալությունը։
Օդերևութաբանների կանխատեսմամբ՝ հնարավոր է կայծակ և կարկուտ, իսկ ծովում հնարավոր է 4-5 բալ ուժգնությամբ փոթորիկ։
«Երկրի մեծ մասում, այդ թվում՝ մայրաքաղաքում, փչում են արևմտյան ուժեղ քամիներ։ Սպասվող տեղումները կարող են հանգեցնել գետերի ջրի մակարդակի զգալի բարձրացման, փոքր գետերում արագ ջրհեղեղների, իսկ բլրոտ և լեռնային գոտիներում՝ սողանքների և սելավների սկսման և ակտիվացման։ Սպառնալիքի մակարդակը միջին է», – ասվում է Ազգային շրջակա միջավայրի գործակալության հայտարարության մեջ:
