Խաղաղ օվկիանոսում զարգանում է հատկապես ուժեղ Էլ-Նինյո երևույթ, որը Մեծ Բրիտանիայի օդերևութաբանական ծառայությունն անվանում է աննախադեպ։ Մասնագետները կանխատեսում են, որ որոշ տարածքներում ծովի մակերևույթի ջերմաստիճանը կարող է գերազանցել նորման 3 աստիճանով ըստ Ցելսիուսի,- հայտնում է kontroll.hu-ն։
Երկարաժամկետ կանխատեսումների ղեկավար Ադամ Սքեյֆը իրադարձությունն անվանել է աննախադեպ և ասել, որ երբեք այդքան ուժեղ Էլ-Նինյոյի ազդանշան չէր տեսել։
Ներկայիս Էլ-Նինյո երևույթը կարող է լինել ամենաուժեղը 19-րդ դարից ի վեր։
Հոդվածում նշվում է, որ նմանատիպ իրավիճակ չի նկատվել 1950 թվականից ի վեր, և ներկայիս Էլ-Նինյո երևույթը կարող է լինել ամենաուժեղը 19-րդ դարից ի վեր։
«Աշխարհի որոշ մասերում Էլ-Նինյո երևույթը կարող է ավելի ծանր հետևանքներ ունենալ, քան որևէ մեկը կարող է ենթադրել։ Ավստրալիայում երաշտների և հրդեհների ռիսկը կարող է մեծանալ, մինչդեռ Պերուում, Էկվադորում և ԱՄՆ-ի հարավում՝ ջրհեղեղների ռիսկը։ Սակայն Էլ-Նինյոյի ազդեցությունը տարբերվում է դրվագից դրվագ, ուստի անհնար է ճշգրիտ կանխատեսել յուրաքանչյուր տարածաշրջանի հետևանքները», — նշվում է հոդվածում։
Հոդվածում նշվում է, որ Էլ-Նինյոյի ազդեցությունը եղանակի վրա կուժեղանա աշնանը և ձմռան սկզբին, իսկ գլոբալ տաքացումը կարող է գերազանցել կրիտիկական սահմանները առաջիկա ամիսներին։
Սեուլի ազգային համալսարանի պրոֆեսոր Ջոնգ Սունգ-կուի խոսքով, ով ուսումնասիրում է Էլ -Նինյո երևույթը՝ օգտագործելով կլիմայական դիտարկումներ և արհեստական բանականության մոդելներ, ներկայիս Էլ-Նինյո ցիկլը կարող է անցում կատարել այսպես կոչված սուպեր Էլ-Նինյո փուլի առաջիկա ամիսներին: Նման երևույթը կարող է զգալիորեն ուժեղացնել գլոբալ տաքացումը և առաջացնել ռեկորդային ջերմային ալիքներ: Միևնույն ժամանակ, նշել է հետազոտողը, վտանգը կայանում է ոչ միայն կարճաժամկետ եղանակային անոմալիաների, այլև կլիմայական համակարգի հնարավոր երկարաժամկետ փոփոխությունների մեջ:
