Ազգային վիճակագրական ծառայության տվյալներով՝ տարեկան գնաճի վրա հիմնական ազդեցությունն ունեցել են գների փոփոխությունները։ Տրանսպորտային ծառայությունների բաժնում գները աճել են 15.2 տոկոսով՝ նպաստելով տարեկան գնաճին 1.81 տոկոսային կետով։ Անձնական տրանսպորտային միջոցների շահագործման գները աճել են 20.8 տոկոսով, իսկ տրանսպորտային ծառայությունների գները՝ 12.8 տոկոսով։

Սննդամթերքի և ոչ ալկոհոլային խմիչքների խմբում գներն աճել են 5.0 տոկոսով՝ նպաստելով տարեկան գնաճին 1.72 տոկոսային կետով: Ձկան, մսի և մսամթերքի գներն աճել են 9.8 տոկոսով, կարագի և ճարպերի գները՝ 7.8 տոկոսով, իսկ հացի և հացաբուլկեղենի գները՝ 7.1 տոկոսով: Բանջարեղենի և սեխի գները աճել են 5.5 տոկոսով: Սուրճի, թեյի և կակաոյի գներն աճել են 5.4 տոկոսով, կաթի, պանրի և ձվի գները՝ 2.9 տոկոսով, իսկ շաքարի, մուրաբայի և այլ քաղցրավենիքի գները՝ 1.9 տոկոսով: Հանքային և աղբյուրի ջրերի, գազավորված ըմպելիքների և բնական հյութերի գներն աճել են 0.6 տոկոսով: Սակայն մրգերի և խաղողի գները նվազել են 6.1 տոկոսով:

«Բնակարանային, ջրամատակարարման, էլեկտրաէներգիայի և գազի խմբում գները աճել են 8.5 տոկոսով, ինչը ընդհանուր ինդեքսի վրա ազդել է 0.82 տոկոսային կետով։ Գները հիմնականում աճել են հետևյալ ենթախմբերում՝ էլեկտրաէներգիա, գազ և այլ վառելիքներ (10.3 տոկոս), բնակարանային ընթացիկ սպասարկում և վերանորոգում (8.7 տոկոս) և բնակարանային իրական ծախսեր (8.4 տոկոս)։

«Առողջապահություն. Նշված ժամանակահատվածում այս խմբի գներն աճել են 5.2 տոկոսով, ինչը 0.44 տոկոսային կետով նպաստել է ընդհանուր գնաճին: Գներն աճել են հետևյալ ենթախմբերում՝ բժշկական ապրանքներ, սարքավորումներ և պարագաներ (8.7 տոկոս) և ամբուլատոր բժշկական ծառայություններ (2.4 տոկոս)», — ասվում է Ազգային վիճակագրական ծառայության կողմից հրապարակված զեկույցում: