Վրաստանի գլխավոր դատախազության հետ համատեղ իրականացված օպերատիվ-հետախուզական և քննչական գործողությունների արդյունքում, Վրաստանի ֆինանսների նախարարության քննչական ծառայության աշխատակիցները, եկամուտների ծառայության մաքսային դեպարտամենտի աշխատակիցների հետ համատեղ, ձերբակալել են մեկ անձի՝ մաքսային սահմանով առանձնապես խոշոր չափի ապրանքների տեղափոխման կանոնները խախտելու համար։

Քննության արդյունքում պարզվել է, որ Վրաստանի քաղաքացին «Սարփի» մաքսային անցակետով գաղտնի ներմուծել է 1851 գրամ ոսկյա զարդեր՝ օգտագործելով իր վարած մեքենայի սրահում գտնվող հատուկ թաքստոցները։ Առգրավված զարդերի մաքսային արժեքը կազմում է 411 962 լարի։

Դեպքի վերաբերյալ քննությունը տարվում է Վրաստանի քրեական օրենսգրքի 214-րդ հոդվածի 2-րդ մասի համաձայն, որը նախատեսում է 5-ից 7 տարի ազատազրկում։

Տեղեկատվությունը տարածել է Ֆինանսների նախարարության քննչական ծառայության մամուլի ծառայությունը։