Վրաստանի շրջանների մեծ մասում օգոստոսի 15-ի կեսօրից մինչև օգոստոսի 18-ի կեսօրը կպահպանվեն տեղումները, այդ թվում՝ Ախալքալաքում, հայտնում է Վրաստանի շրջակա միջավայրի ազգային գործակալությունը։

Օդերևութաբանների կանխատեսմամբ, օգոստոսի 15-ին պարբերաբար անձրևներ են սպասվում Մցխեթա-Մթիանեթիի, Կախեթիի և Քվեմո Քարթլիի շրջաններում, այդ թվում՝ մայրաքաղաքում։ Օգոստոսի 16-ից 18-ը Արևմտյան Վրաստանի բոլոր շրջաններում կանխատեսվում են պարբերական ուժեղ անձրևներ։ Հնարավոր են նաև ամպրոպ, կարկուտ և քամու ուժգնացում։

Ախալքալաքում հանգստյան օրերին նույնպես սպասվում է ամպամած և անձրևոտ եղանակ, հնարավոր են ամպրոպներ։ Օդի ջերմաստիճանը ցերեկը կլին մոտ +20 °C, գիշերը՝ +11…+12 °C։

«Սպասվող առատ տեղումները կարող են առաջացնել փոքր գետերի վրա արագ ջրհեղեղներ, իսկ բլրոտ և լեռնային շրջաններում՝ սողանքային-ավազային փոթորկային գործընթացների սկիզբ և ակտիվացում։ Վտանգի մակարդակը միջին է», – ասվում է Ազգային շրջակա միջավայրի գործակալության հայտարարության մեջ։