Վրաստանի ֆինանսների նախարարության քննչական ծառայության աշխատակիցները՝ Եկամուտների ծառայության մաքսային դեպարտամենտի, Վրաստանի գլխավոր դատախազության հետ համատեղ, օպերատիվ-հետախուզական և քննչական միջոցառումների արդյունքում ձերբակալել են մեկ անձի՝ մաքսային սահմանով առանձնապես մեծ քանակությամբ ապրանքների տեղափոխման կանոնակարգը խախտելու համար։

Ըստ գործակալության՝ օպերատիվ տեղեկատվության հիման վրա անցկացված միջոցառումների արդյունքում պարզվել է, որ Վրաստանի քաղաքացին իր տրանսպորտային միջոցով Սարփիի մաքսային անցակետով ներմուծել է տարբեր առարկաների մեջ թաքցված 1,215.52 գրամ ոսկյա զարդեր։ Ապրանքների մաքսային արժեքը կազմում է 246 857 լարի։

Հետաքննությունը տարվում է Վրաստանի ՔՕ 214-րդ հոդվածի 2-րդ մասի համաձայն, որը նախատեսում է 5-ից 7 տարի ազատազրկում։