Վրաստանի Ներքին գործերի նախարարության Փորձաքրեագիտական դեպարտամենտը ստացել է նոր անօդաչու թռչող սարքեր Թբիլիսիում և երկրի շրջաններում աշխատելու համար։
Ներքին գործերի նախարարության տվյալներով՝ փորձագետ-քրեագետներն Արտակարգ իրավիճակների կառավարման ծառայության ուսումնական կենտրոնում ավարտել են անօդաչու թռչող սարքերի կառավարման դասընթաց։ Դասընթացը ներառել է ինչպես տեսական, այնպես էլ գործնական մասեր։
«Փորձագետ-քրեագետների կողմից հանցագործության վայրերում անօդաչու թռչող սարքերի օգտագործումը թույլ է տալիս նրանց հետաքննիչներին տրամադրել բարձրորակ տեսողական նյութեր, որոնք ունեն ապացուցողական արժեք», — ասվում է Վրաստանի Ներքին գործերի նախարարության հայտարարության մեջ։
