Վրաստանի շրջակա միջավայրի ազգային գործակալությունը զգուշացնում է հանրությանը առաջիկա օրերին արևելյան Վրաստանում եղանակային պայմանների վատթարացման մասին։
Օթերևութաբանների կանխատեսմամբ՝ հուլիսի 6-ի երեկոյան ժամերից մինչև հուլիսի 9-ի առավոտը արևելյան Վրաստանում սպասվում են պարբերաբար տեղումներ, որոշ շրջաններում՝ առատ, իսկ Կախեթիի շրջանում՝ ուժգին։ Հնարավոր են ամպրոպներ, կարկուտ և ուժեղ քամի։
«Սպասվող առատ տեղումները կարող են հանգեցնել գետերի մակարդակի զգալի բարձրացման արևելյան Վրաստանում, Կախեթիի շրջանում փոքր գետերի վարարման, ինչպես նաև սողանքների և սելավների առաջացման և ակտիվացման բլրոտ և լեռնային շրջաններում (վտանգի մակարդակը՝ բարձր Կախեթիի շրջանում, չափավոր՝ այլուր)», — հայտարարում է Շրջակա միջավայրի ազգային գործակալությունը։
