Հոկտեմբերի 4-ի գործով ձերբակալված ութ անձինք ազատ են արձակվել կալանքից՝ դատավարական համաձայնագրերի հիման վրա։

Մասնավորապես, բանտից ազատ են արձակվել հետևյալ անձինք՝ Ալեքսանդրե Գոգոլաձեն, Գոչա Կատաշվիլին, Սուլխան Աբրալավան, Ռամազ Ջորբենաձեն, Ջանդրի Թուրքիան, Գենադի Կելիխաշվիլին, Դավիթ Ղուրցկայան և Էվա Շաշիաշվիլին։ Նրանք ընդունել են իրենց մեղքը և համաձայնության են եկել դատախազության հետ։ Մեղադրանքը ստորագրել է համաձայնագիր՝ երեք տարվա պայմանական ազատազրկմամբ։

Գործի այս դրվագով ձերբակալվածներից՝ Դավիթ Ստուրուան, Դավիթ Ժղենտին, Զաքրո Ալբուտաշվիլին, Կախաբեր Մժավանաձեն, Գիորգի Չախունաշվիլին, Իա Դարախվելիձեն և Կոնստանտինե Կոկայան չեն ընդունել իրենց մեղքը և գնտվում են բանտում:

Հոկտեմբերի 4-ին Նախագահական պալատում ներխուժման փորձի կապակցությամբ ձերբակալված անձինք մեղադրվում են մի քանի հոդվածներով։ Դրանց թվում են՝ խմբակային կերպով կատարված ռազմավարական և հատուկ նշանակության օբյեկտ զավթելու փորձ, ինչպես նաև խմբակային բռնությանը մասնակցություն։

Վերոնշյալ հանցագործությունները պատժվում են մինչև վեց տարի ազատազրկմամբ։

Հոկտեմբերի 4-ի իրադարձությունների կապակցությամբ մեղադրանք է առաջադրվել ընդհանուր առմամբ 64 անձի։ Նրանցից տասը, այդ թվում՝ խմբային բռնություն կազմակերպելու մեղադրանքով ձերբակալված քաղաքական գործիչներ, արդեն դատապարտվել են։ Այս փուլում մեղքի ճանաչման համաձայնագրեր են կնքվում ընդհանուր առմամբ 22 անձի հետ։