ԱՄՆ Ներկայացուցիչների պալատն ընդունել է «Կովկասում չինական վերահսկողության դեմ պայքարի մասին» ակտը։
Օրինագիծն արտացոլում է Վաշինգտոնում աճող մտահոգությունները, որ «Վրացական երազանք» կուսակցությունն ավելի ու ավելի է ընկնում ԱՄՆ-ի հիմնական աշխարհաքաղաքական հակառակորդների ազդեցության տակ։ Օրինագիծը պահանջում է, որ ԱՄՆ վարչակազմը պատրաստի Վրաստանում ռուսական և չինական հետախուզական ծառայությունների ներթափանցման աստիճանի վերաբերյալ գաղտնի գնահատական, ներառյալ նրանց գործունեության համընկնման աստիճանի վերլուծությունը։
Ներկայացուցիչների պալատը հանձնարարում է ԱՄՆ Պետդեպարտամենտին, հետախուզության և պաշտպանության բարձրաստիճան պաշտոնյաների հետ միասին, գաղտնի զեկույց ներկայացնել օրենքի ընդունումից ոչ ուշ, քան 180 օրվա ընթացքում։ Նման զեկույց պատրաստելուց բացի, օրինագիծը նաև պահանջում է, որ Պետդեպարտամենտը մշակի Վրաստանի համար ԱՄՆ հնգամյա ռազմավարություն և որոշի, թե արդյոք Միացյալ Նահանգները պետք է շարունակի ներդրումներ կատարել Վրաստանի կառավարության հետ գործընկերության մեջ։
Հանրապետական կոնգրեսական Ջո Ուիլսոնը ելույթ է ունեցել Ներկայացուցիչների պալատում օրինագծի քվեարկությունից առաջ։
««Վրացական երազանքի» անօրինական ռեժիմը ներկայումս երկիրը վաճառում է Չինաստանի կոմունիստական կուսակցությանը, ռազմական հանցագործ Պուտինին և Իրանին, հակառակ վրաց ժողովրդի կամքին և Ամերիկայի Միացյալ Նահանգների շահերին։ Վրաստանում ընտրությունները կեղծվել են։ Ավելին, նրանք տարածել են ամենաանբարոյական հակաամերիկյան քարոզչությունը և անընդհատ վիրավորում են նախագահ Թրամփին՝ նրան անվանելով «խորքային պետության» գործակալ։ Իրականում, մենք նաև գիտենք, որ օրինական նախագահ Սալոմե Զուրաբիշվիլին պատվավոր հյուրն էր նախագահ Դոնալդ Թրամփի երդմնակալության արարողությանը… Այս ռեժիմի վարքագիծը սպառնում է նախագահ Թրամփի կողմից Հարավային Կովկասում ձեռք բերված ամեն ինչին, և դա պետք է փոխվի», — հայտարարել է Ուիլսոնը։
Հիշեցնենք, որ Ներկայացուցիչների պալատի կողմից օրինագծի ընդունումից հետո այն ուղարկվել է Միացյալ Նահանգներ՝ վերանայման և հաստատման համար։
