Շրջակա միջավայրի ազգային գործակալության հաղորդմամբ, մայիսի 23-ից 25-ը սպասվում են տեղումներ, հնարավոր է ամպրոպ և կարկուտ։

«Մայիսի 23-ի վերջից մինչև մայիսի 25-ի առավոտը Վրաստանի մեծ մասում սպասվում են պարբերաբար տեղումներ, որոշ տեղերում՝ առատ, հնարավոր է ամպրոպ և կարկուտ։

Սպասվող տեղումները կարող են հանգեցնել Վրաստանի գետերի ջրի մակարդակի զգալի բարձրացման, փոքր գետերի վրա արագ ջրհեղեղների, ինչպես նաև բլրոտ և լեռնային գոտիներում սողանքների և սելավների առաջացման և ակտիվացման (վտանգի մակարդակ՝ միջին)», – ասվում է շրջակա միջավայրի ազգային գործակալության հայտարարության մեջ։