Խվիչա Կվարացխելիան և Պարի Սեն Ժերմենը Մյունխենում կայացած կիսաեզրափակչի պատասխան խաղում ոչ-ոքի՝ 1-1 խաղացին «Բավարիայի» հետ՝ երկրորդ տարին անընդմեջ փարիզյան ակումբին ուղարկելով ՈՒԵՖԱ-ի Չեմպիոնների լիգայի եզրափակիչ:
Վրացի ֆուտբոլային աստղն առաջին խաղում երկու գոլ է խփել, իսկ Գերմանիայում հյուրերի միակ գոլը խփվել է Կվարացխելիայի փոխանցումից հետո։
Խվիչա Կվարացխելիայի հաջող խաղը մեծ իրարանցում է առաջացրել։
Ֆաբրիցիո Ռոմանո.
«Չեմպիոնների լիգայի պատմության մեջ միայն մեկ խաղացողի է հաջողվել գոլ խփել կամ գոլային փոխանցում կատարել մեկ մրցաշրջանի փլեյ-օֆֆի յոթ անընդմեջ խաղերում՝ դա Խվիչա Կվարացխելիան է»։
Լիգա 1-ի պաշտոնական էջ.
«Խվիչա Կվարացխելիան ստեղծվել է արհեստական ինտելեկտի կողմից։ Նա Չեմպիոնների լիգայի միսթեր է»։
GoalsXtra.
«Կվարացխելիա, խելագարվե՞լ ես ինչ է»։
DAZN Football.
«Խվիչա Կվարացխելիան Չեմպիոնների լիգայի պատմություն է կերտել։ Նա պատմության մեջ առաջին խաղացողն է, ով Չեմպիոնների լիգայի մեկ մրցաշրջանի փլեյ-օֆֆի յոթ անընդմեջ խաղերում գոլ է խփել կամ գոլային փոխանցում է կատարել»։
TNT Sports.
«ՊՍԺ-ի միայն երեք խաղացողներ են Չեմպիոնների լիգայի փլեյ-օֆֆում խփել 15 կամ ավելի գոլ. Ուսման Դեմբելեն, Կիլիան Մբապեն և Խվիչա Կվարացխելիան»։
