Վրաստանի կառավարությունը հաստատել է մայիսի 26-ին՝ Վրաստանի անկախության օրվան նվիրված միջոցառումների կազմակերպման գործողությունների ծրագիրը։ Ախալքալաքը ներառված է այն քաղաքապետարանների թվում, որտեղ տոնական միջոցառումներ են անցկացվելու։
Փաստաթղթի համաձայն՝ միջոցառումները տեղի կունենան Ալեքսանդրի այգում, Օրբելիանի փողոցում և հարակից տարածքներում։
Միաժամանակ, հրամանագրում նշվում է, որ Թբիլիսիի Ազատության հրապարակում և 5 մունիցիպալիտետներում անցկացվող միջոցառումների շրջանակում նորակոչիկները զինվորական երդում կտան։
Փաստաթղթի համաձայն՝ Վրաստանի մշակույթի նախարարությանը հանձնարարվել է զարգացնել ուսումնական և ժամանցային տարածքներն Ալեքսանդրի այգում, Օրբելիանի փողոցում և հարակից տարածքներում։
Կկազմակերպվեն սպորտային, թեմատիկ մշակութային գործունեության, ցուցահանդեսային, երեխաների համար նախատեսված, ինչպես նաև գինու համտեսի և հանգստի համար տարածքներ։
Նաև ժամը 17:00-ին՝ Վրաստանի անկախության հռչակման ժամանակ, մշակույթի նախարարությունը պետք է ապահովի նախագահականում և հարակից տարածքներում տոնակատարությունների անցկացում։
Երեկոյան նախատեսվում է գալա համերգ մայրաքաղաքում։
Զուգահեռաբար ցուցահանդեսային տարածքներ կստեղծվեն և տոնական միջոցառումներ կանցկացվեն Փոթիում, Գորիում, Զուգդիդիում, Քութայիսիում, Թելավիում, Ախալցիխեում, Ռուսթավիում, Մեստիայում, Օզուրգեթիում, Մառնեուլիում, Ախալքալաքում, Մցխեթայում և Ամբրոլաուրում։
