Թախչան Ախալքալաքի մունիցիպալիտետի այն գյուղերից էր, որտեղ բնական գազ չկար։ Սակայն գյուղի բարերարների շնորհիվ կապույտ վառելիքը հասանելի դարձավ թախչացիներին։
Ծովի մակերևույթից 1960 մ բարձրության վրա գտնվող Թախչա գյուղում ապրում է ընդամենը 7 ընտանիք:
Թախչայում աշխուժություն ապահովողները Եփրիկյանների երեխաներն են։ Մեզ դիմավորեց վեց տարեկան Նարեկը։
Եփրիկյանները շնորհակալ են գյուղի բարերարներին, որ այսօր կարողանում են բնական գազ օգտագործել։
Տարիների ընթացքում գյուղը դատարկվել, եթե ձմռանը 7 ընտանիք է ապրում գյուղում, ապա գարնանը՝ 12:
«Առաջնային ապրելու պայմաններ արդեն ունենք, մենք մեր ընտանիքով մնալու ենք մեր հարազատ գյուղում», – ասում է Անյուտա Եփրիկյանը:
Միաժամանակ հավելելով, որ իրենց գյուղում գազն անվճար է, իրենց օգտագործած գազի գումարը ևս բարերարներն են վճարում։
2000-ական թվականներին Թախչա գյուղից մեծ արտագաղթ է եղել, որի գլխավոր պատճառները գյուղում ապրելու տարրական պայմանների բացակայությունն է եղել։
«Ժամանակին մեր գյուղում ապրել է 75 ընտանիք, իսկ հիմա մնացել է 7 ընտանիք։ Մեր գյուղի բարերարները մեծ գործ արեցին գյուղի համար։ Շնորհակալությունս նրանց, եթե այս պայմաններն ունենայինք 2000-ական թվականերին, հաստատ մեր գյուղն այսքան դատարկ չէր լինի»,- ասաց Թախչա գյուղի բնակիչ Վլադիմիր Այվազյանը:
Ընդգծենք, որ Թախչան գազիֆիկացվել է գյուղի բարերարների և SJGC գազաբաշխիչ ընկերության համատեղ ֆինանսավորմամբ։
Կարդացեք նաև՝
