Վաղը՝ հոկտեմբերի 26-ին, Վրաստանում տեղի կունենան խորհրդարանական ընտրություններ։ Jnews-ը ներկայացնում է շրջանում որևէ գործունեություն ծավալած 6 քաղաքական կուսակցությունների անուններն ու ընտրական համարները, ինչպես նաև այդ կուսակցությունների ցուցակներում ընդգրկված հայերի անունները։
Իշխող կուսակցությունն է 2012 թվականից։ Կուսակցական ցուցակում ընդամենը երկու հայ կա՝ Վրաստանի անցած գումարման խորհրդարանի պատգամավորներ՝ Սամվել Մանուկյանը (36-րդը ցուցակում) և Սումբատ Կյուրեղյանը (68-րդը ցուցակում)։ Նշենք, որ որքան մեծ է ցուցակի համարը, այնքան քիչ հավանական է, որ պատգամավորը կմտնի խորհրդարան։
Վրաստանի նախկին վարչապետի կուսակցությունը: Ցուցակի 55-րդ տեղում Նինոծմինդայի բնակչուհի, Նինոծմինդայի մունիցիպալիտետի սակրեբուլոյի նույն կուսակցությունից պատգամավոր Նարինե Գինոսյանն է։
«փոփոխությունների համար» քաղաքական միավորումն ընդգրկում է «Ախալի» (ՄԱՇ-ից անջատված կուսակցության մի մասը), «Դրոա» և «Գիրչի՝ ավելի շատ ազատություն» կուսակցությունները։ Կոալիցիան իր կուսակցական ցուցակում ընդգրկել է Մելիք Ռաիսյանին՝ 46-րդ համարով։
Այս կոալիցիան ստեղծվել է «Լելոն Վրաստանի համար», «Ժողովրդի համար» Անա Դոլիձեի, Ալեկո Էլիսաշվիլիի «Քաղաքացիները» և Լևան Ցուցքիրիձեի «Ազատության հրապարակ» կուսակցություններից։
Կոալիցիայում ընդգրկված են «ՄԱՇ», «Ռազմավարություն Աղմաշենեբելի», «Եվրոպական Վրաստան» կուսակցությունները և մի քանի փոքր խմբեր, որոնք նախկինում կուսակցության դաշնակիցներն էին։ Կոալիցիան Արսեն Կարապետյանին ընդգրկել է իր ցուցակում 90-րդ համարի ներքո։
Կուսակցության ընտրական ցուցակում ազգությամբ 7 հայ կա, որոնցից երկուսը՝ Ախալքալաքից։ 7-րդ համարը ներկայացնում է Գագիկ Մելքումովը, 14-րդ համարը ներկայացնում է Դավիթ Ռստակյանը, 32-րդ համարը ներկայացնում է Էլվիրա Արիկովան, 38-րդ համարը ներկայացնում է Յուրի Եղիազարյանը, 42-րդ համարը ներկայացնում է Նորայր Տեփոյանը, 48-րդ համարը ներկայացնում է Մնացական Բադալյանը և 52-րդ համարը ներկայացնում է Ալբերտ Բադալյանը։
Հետևյալ հոդվածներում կարող եք ծանոթանալ Ախալքալաքի մունիցիպալիտետում այս կուսակցությունների նախընտրական քարոզարշավին.
«Տրիբունա» քաղաքական կուսակցության քարոզարշավն Ախալքալաքում
«Միասնություն-Ազգային շարժում» կոալիցիայի նախընտրական քարոզարշավը Ջավախքում
«Փոփոխությունների համար» կոալիցիայի նախընտրական քարոզարշավը Բուռնաշեթում
«Գախարիան՝ Հանուն Վրաստանի» կուսակցության նախընտրական քարոզարշավն Ախալքալաքում
«Վրացական երազանքի» նախընտրական քարոզարշավն Ախալքալաքում
Այս հղումներով կարող եք տեսնել, թե ինչպես են այս կուսակցությունների ներկայացուցիչները մեկնաբանում շրջանի ամենահրատապ խնդիրները.
Ի՞նչ են խոստանում քաղաքական կուսակցությունները քաղաքացիությունը կորցրած բնակիչներին
Ինչպե՞ս են քաղաքական կուսակցությունները խոստանում լուծել Ախալքալաքի հասարակական տրանսպորտի հարցը
Ի՞նչ լուծում են առաջարկում քաղաքական կուսակցությունները լեզվի չիմացության հարցում
