2020 թվականին Ախալքալաքի մունիցիպալիտետում կվերանորոգվի թվով 10 դպրոց: Հիմնականում այդ դպրոցներում զուգարաներ կկառուցվեն:
Ախալքալաքի քաղաքապետարանից հայտնում են, որ լրացուցիչ ևս 10 դպրոցի նախագիծ են պատվիրել, եթե գումար լինի, այդ կրթարաններում ևս աշխատանքներ կտարվեն:
«10 դպրոց ուզում ենք այս տարի վերանորոգենք, եթե լրացուցիչ գումար լինի, ապա 10 դպրոցի նախագիծ ևս պատվիրել ենք, ունենք։ Եթե տարվա կեսից գումար եղավ այդ 10 դպրոցն է կվերանորոգենք։ Դպրոցների նախագծերը կազմվել է մոտավորապես 100 000, 80 000 և 90 000 լարիի սահմաններում, սակայն դպրոց կա, որ կազմել է 130 000 կամ 140 000 լարի»,- ասաց Ախալքալաքի քաղաքապետարանի ենթակառուցվածքների բաժնի աշխատակից Գարիկ Գալիվոնջյանը:
Վերանորոգման և սանհանգույցների կառուցման աշխատանքներ կկատարվեն շրջանի հետևյալ դպրոցներում.
Գոմանի դպրոցին հատկացվել է 94 798 լարի: Կատարվելու է դպրոցի ներքին նորոգման աշխատանքներ, ինչպես նաև զուգարանի և հակասեպտիկի կառուցման:
Փոքր Սամսարի դպրոցում զուգարանի և հակասեպտիկի կառուցման համար հատկացվել է 80 000 լարի:
Արագվայի դպրոցի զուգարանի և հակասեպտիկի կառուցման համար հատկացվել է 54 000 լարի:
Մեծ Սամսարի դպրոցում զուգարանի կառուցման և վերանորոգման աշխատանքների համար հատկացվել է 100 000 լարի:
Ղադոլարի դպրոցին հատկացվել է 125 000 լարի: Դպրոցում կկառուցվի զուգարան, կվերանորոգվի կտուրը, կանցկացվի ջեռուցման համակարգ, ինչպես նաև կկառուցվի հակասեպտիկ:
Գոգաշենի դպրոցում զուգարան կկառուցեն 60 000 լարիի սահմաններում:
Բավրայի դպրոցին հատկացվել է 100 000 լարի, այստեղ կկառուցվի զուգարան և հակասեպտիկ:
Սուլդա գյուղի դպրոցին հատկացվել է 125 000 լարի, որը կծախսվի դպրոցում զուգարանի և հակասեպտիկի կառուցման վրա, ինչպես նաև տանիքի նորոգման:
Մուրջախեթի դպրոցում 100 000 լարիով կկատարվեն շենքի և կտուրի վերանորոգման աշխատանքներ, ինչպես նաև կկառուցվի զուգարան:
Կարծախի դպրոցին հատկացվել է 125 000 լարի, որի սահմաներում կկատարվի կտուրի վերանորոգման աշխատանքներ, ինչպես նաև զուգարան և հակասեպտիկ կկառուցվի։
Վերանորոգման աշխատանքների ընդհանուր գումարը կազմում է 963 798 լարի։
«Հիմա այդ մեկ միլիոն լարիով առաջնահերթ նշված դպրոցները կվերանորոգենք։ Բացի ներկայացված դպրոցներից էլի ունենք դպրոցներ, օրինակ՝ շատ վատ վիճակի մեջ է Ազավրեթի դպրոցը, այս տարի ուզում ենք փող պահանջել, որպեսզի այդ դպրոցն էլ վերանորոգենք։ Ազավրեթն ու Դիլիսկան նոր դպրոցներ են ուզում, սակայն դա մեծ գումարի հետ է կախված, եթե հատկացնեն գումար ավելի լավ, եթե՝ ոչ, ապա մի բան կմտածենք»,- ասաց Ախալքալաքի քաղաքապետարանի աշխատակազմի շինարարության բաժնի պետ Գարիկ Գալիվոնջյանը:
«Ազավրեթում նոր դպրոց կկառուցեն 2020 թվականին»
Դիլիսկայի թիվ 1 հանրային դպրոցը փլուզման եզրին
Գայանե Ակոջյան
