Նինոծմինդայի մունիցիպալիտետում կարտոֆիլի բերքահավաքն ավարտվել է, գյուղացիները հիմնականում գոհ են բերքից, բայց դժգոհ են գնից։
Նինոծմինդայի մունիցիպալիտետում գյուղատնտեսությունը տեղի բնակչության եկամտի հիմնական աղբյուրներից է։ Տեղի բնակչության շրջանում այս տարածքի նկատմամբ աճող հետաքրքրություն չկա։ Ֆերմերները դժգոհում են ստեղծված իրավիճակից և ցանկանում են թողնել այս բիզնեսը։ Դրա պատճառը գյուղմթերքի, մասնավորապես՝ կարտոֆիլի ցածր գինն է։
Նինոծմինդայի կարտոֆիլագործ Խաչիկ Ալվանջյանը գոհ է բերքից, բայց գոհ չէ գնից։ Գնորդները եկան ու առաջարկեցին 55-65 թեթրի, բայց այս գինը նույնիսկ ծախսերը չի փակում։
Բնակիչների կարծիքով՝ դրանում մեծ դեր ունի դիզվառելիքի գինը։ Վառելիքի թանկացման հետ մեկտեղ բարձրանում են նաև մի շարք ծառայությունների, այդ թվում՝ հողի մշակման գները։ Գների վրա ազդում են նաև թանկարժեք պահեստամասերը։
Որոշ ֆերմերներ մտադիր են կարտոֆիլը մթերել մինչև գարուն՝ ակնկալելով թանկացում, բայց շատերը, ընդհակառակը, վաճառում են աշնանը, քանի որ վստահ չեն, որ թանկանալու է, և վախենում են, որ կթափեն բերքը։
Այս պահին կարտոֆիլի պահանջարկի հետ կապված խնդիրներ չկան, սակայն գինը կարտոֆիլագործներին թեռնտու չէ, քանի որ պարարտանյութի ու վառելիքի գները զգալիորեն բարձրացել են։
Ախալքալաքի կարտոֆիլի ասոցիացիայի ներկայացուցիչ Մախարե Մացուկատովի խոսքով, այս տարի բերքը միջինում լավ է, սակայն գինը տատանվում է 60-80 թեթրիի սահմաններում։ Ֆերմերները գոհ չեն այս գնից։ Թանկացել է կարտոֆիլի աճեցումը, թանկացել են բոլոր ծառայություններն ու աշխատանքը։
Մախարե Մացուկատովը պահեստների կազմակերպումը տեսնում է որպես իրացման խնդրի լուծումներից մեկը։ Անհրաժեշտ է լուծել նաև խոշոր կազմակերպություններից, ձեռնարկություններից, ռազմակայաններից տեղական կարտոֆիլի մթերման հարցը։
Գրում է ռադիո Nor-ը։
