Վրաստանի կրթության և գիտության նախարար Գիորգի Ամիլախվարին հայտնում է, որ համալսարանի 30 հազար ուսանողի պարտքերն ամբողջությամբ կմարվեն, ինչի պատճառով նախկինում դադարեցվել էր նրանց ուսանողի կարգավիճակը։ Ավելի վաղ Վրաստանի վարչապետը համապատասխան որոշում էր կայացրել։
«Նշված որոշումը կյանքի կոչելու նպատակով ինձ և ֆինանսների նախարարին հանձնարարվել է աշխատել բուհերի հետ այս ուղղությամբ և ստեղծել համապատասխան իրավական և ֆինանսական մեխանիզմներ։ Երկուշաբթի սկսեցինք ակտիվ աշխատանք նախարարությունում և երկխոսություն թե՛ պետական, թե՛ մասնավոր բուհերի հետ՝ ուսանողական պարտքի մարման հարցերի շուրջ… Արդյունքում 30 հազարից ավելի ուսանողների պարտքերն ամբողջությամբ կմարվեն։ Եվս մեկ անգամ պարզաբանում ենք, որ ուսանողները ոչ մի թեթրի չեն վճարելու, բարձրագույն ուսումնական հաստատությունները մարելու են վերջիններիս պարտքը»։
Իշխանությունները մասնավոր բուհերին առաջարկել են մարել ուսանողական պարտքը (օբյեկտիվ շրջանակներում), և բոլոր մասնավոր բուհերն ընդունել են այս առաջարկը, բացառությամբ Ազատ համալսարանի և Ագրարային համալսարանի, հայտարարել է ԿԳ նախարարը։
«Այս բուհերը կարծես տարբեր շարժառիթներ ունեն։ Տեղեկացնեմ նաև, որ Ագրարային և Ազատ բուհերի մեր տվյալների բազայի համաձայն՝ այս պահին մոտ 1000 ուսանողի կարգավիճակը դադարեցված է ֆինանսական պարտքի պատճառով։ Նրանք այս փուլում չեն կարողանա մարել պարտքը, քանի որ, չնայած մեր առաջարկած արդար պայմաններին, այնուամենայնիվ համագործակցելու ցանկություն չեն հայտնել»։
Ուսանողների պարտքերը չեղարկելու մասին որոշումը կայացրել է Վրաստանի վարչապետը։
«Ուսանողները ցանկության դեպքում կկարողանան վերականգնել իրենց կարգավիճակը և շարունակել ուսումն իրենց համալսարաններում։ Սա մոտավորապես 40 միլիոն լարիի պարտք է»,- ասել է Իրակլի Ղարիբաշվիլին։
Աղբյուրը՝ SovaNews
