---

Ինչպես արդեն հայտնի է, մեկնարկել է ուսուցիչների վերապատրաստման կրթական ծրագրի ընդունելությունը, որում ընդգրկվելու համար անհրաժեշտ է հաղթահարել տվյալ ԲՈՒՀ-ի կողմից սահմանված ներքին քննությունը: Ծրագրին մասնակցելու պարտադիր նախապայմաններից մեկն այն է, որ դիմորդը պետք է ունենա առնվազն բակալավրի որակավորում, հակառակ դեպքում նա չի կարողանա բարձրացնել ստատուսը:

Սամցխե-Ջավախեթիի համալսարանի ռեկտոր Մակա Բերիձեի խոսքով, մի շաբաթից արդեն հնարավոր կլինի գրանցվել նաև Սամցխե-Ջավախեթիի համալսարանի Ախալքալաքի մասնաճյուղում:

«Առաջիկա օրերին կսկսվի ընդունելության հայտերի ընդունումը, Ախալքալաքում խումբ կբացվի այն դեպքում, եթե 10-15 հոգի ցանկացող լինի։ Կարծում եմ, այս տարի կունենանք ցանկացողներ և կկարողանանք ուսուցիչների համար հենց տեղում հասանելի դարձնել  60 կրեդիտանոց վերապատրաստման կուրսը», –  նշում է Բերիձեն:

Հիշեցնենք, որ ուսուցիչների վերապատրաստման ծրագիրը հասանելի է հետևյալ համալսարաններում

• Իվանե Ջավախիշվիլիի անվան Թբիլիսիի պետական ​​համալսարան
• Իլիայի պետական ​​համալսարան
• Սուխումի պետական ​​համալսարան
• Թբիլիսիի Վանո Սարաջիշվիլու անվան պետական ​​կոնսերվատորիա
• Սամցխե-Ջավախքի պետական ​​համալսարան
• Շոթա Մեսխիայի Զուգդիդիի պետական ​​կրթական համալսարան
• Ակակի Ծերեթելիի պետական ​​համալսարան
• Յակոբ Գոգեբաշվիլիի անվան Թելավիի պետական ​​համալսարան
• Բաթումիի պետական ​​համալսարան
• Բաթումիի արվեստի համալսարան
• Գորիի պետական ​​կրթական համալսարան
• Վրաստանի պատրիարքարանի Սուրբ Անդրեաս Առաջինի անվան վրացական համալսարան
• Վրաստանի պատրիարքարանի Սուրբ Թեբել Աբուսերիսձեի անվան կրթական համալսարան
• Վրաստանի համալսարան
• Սեւ ծովի միջազգային համալսարան
• Արևելյան Եվրոպայի համալսարան
• Եվրոպայի համալսարան
• Վրաստանի ֆիզիկական դաստիարակության և սպորտի պետական ​​կրթական համալսարան
• Թբիլիսիի ազատ ակադեմիա
• Վրաստանի բրիտանական համալսարան

Ո՞ր դեպքում ուսուցիչները Ախալքալաքում կկարողանան օգտվել 60 կրեդիտանոց ծրագրից